ما أقول غير بيض الله وجيهكم جميع ، وعز الله إنكم فزعة ومزبان وإن كتب الله ألتقيت بهم وإن ما كتب فتكفيني هذي الوقفه اللي ترفع الراس ، وقد قال لي بعض الناس من عدة قبائل وأنا أبحث عنهم [ ياخوي جدتك ماتت ، وأهلها اللي في سنها ماتوا ، ولا بتلقى يكون عيال من سنك ما هم بخابرين جدتهم ذي وخلاص الله يرحمهم وش تبى بهم الحين ] وقال لي بعض أقاربي وجماعتي مثل هذا الكلام ولكني ما زلت مصر أعرف أهلها الله يرحمها وأصلهم إن شاء الله وأجيهم وأبرهم وأودهم فحنا دم ولحم ما هوب ماء وشلون الواحد يكب أهله وعوانيه ودمه ولحمه ويقفي هذا كلام ما يجوز ، العذر إذا وصلتهم وما أستقبلوني وإلا ما فرحوا بي مثل فرحتي بهم وإلا قالوا مثل من قد قيل لي أول ذيك الحزه أقول الله يستر حالنا وحالهم وودعتبهم الله وأقفيت ، وعفاكم .

__________________
[poem font="Arial,4,white,bold,normal" bkcolor="transparent" bkimage="backgrounds/21.gif" border="solid,medium,crimson" type=2 line=1 align=center use=ex num="0,black"]
الليل طول والسهر منه مـــلا=والـروح عيا يـنـجـلـي همها[/poem]
( أبـو فـهـد )