السلام عليكم ورحمة الله وبركاته :
الأخوان ( إبن جفشان و عاشق الوطن و محمد بن عبدالله البشري و إبن خضير ) وكل من رحب سابقاً من الأخوة الأعزاء بيض الله وجيهكم كفيتم ووفيتم ولا هنتم وتسلم أياديكم على ما كتبتوه ورسمتموه وفالكم البيضا زدتموني شرف على شرف ومثلكم يفتخر كل قرم بملقاه ومعرفته ولا هي غريبه على من مثلكم وأنتم هل الطولات يافخر راسي 0
أنا بأعلمكم وش سالفة فرحتي بهذا الموقع غير إنكم خوال وعزوة وفخر أنا سلمكم الله كنت مسجل في أكثر من موقع ومريت بعد التسجيل على منتدياتهم كلها وطفت فيها ولقيت النسوان أكثر من الرجاجيل مشرفات على المنتديات ومراقبات ومحكمات وحاكمات ومفسرات ومعبرات ومنجمات وشاعرات ومستشعرات ومن كل حطي ولطي وكلام النسوان مع إحترامي لهم كنصف المجتمع ما يشفي البال ولا يوسع الصدر ولاينعش الرأس وكيف وتصير هي المشرفه عليه في المنتدى .......... أبداً وأنا أبو فهد ما يقوله الله ، جاز الخاطر منها كلها لين عرفت هذا الموقع لخوالي وجيته ولقيت شف البال ودوى الخاطر وعلوم الرجاجيل ماهي علوم المعورات 0
ولا فيه مقارنه وخل أهل المواقع الثانيه يجون ويشوفون ويستحون مما يقدمونه أنا أشهد إنهم ماأبصروا رجاجيل ، المصيبه إن الرجال اللي يشاركون معهم بمداخلات أستنعم كلامهم ( ياعيني ، ومشكوره مره ، وتسلمين لي يالغاليه ، وكلام خويش أستحي في محضار مثلكم أقوله ) الله وأنا أساله يعزكم ويشرفكم ويرفع قدركم ضاق من ضاق ورضي من رضي وعفاكم 0

( أبو فهد )