[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
تبكي الجزيره ويبكي شعبهـا كلّـه = وتفيض من ضيقة الأمـه عبايرهـا

تبكي العرب والعجم كنها على ملّـه= والحزن بقلوب ما تبـرد جمايرهـا

على زعيمٍ بنينـا العـزّ فـي ظلّـه=ضحّى لخدمة بيـوت الله وزايرهـا

واليوم فوق النعـش للقبـر ونشلّـه=مصيبـةٍ حكّمـت فينـا دوايـرهـا

لا شك نصبر لحكم الله ورضا لّـه=الناس من الموت ما تنجي بصايرها

عساه في جنة الفردوس مثـوى لّـه=في روضة القبر ينعم من بشايرهـا

عودٍ نقش في جبين الدهر وسْجلّـه=تاريخ تنشـر بـه الأمـه سفايرهـا

بالعزّ دايـم تمـاري فيـه وتجلّـه=مجدٍ على المجد يبقى من ذخايرهـا

لو مات راس الفهد ما مات ذكر لّه=بقلوبنا حي تنبـض بـه سرايرهـا

نعتـزّ فـي سيـرة للحـق مندلّـه=على المحجه وأمـان الله يسايرهـا

حكم الشريعه ولا عن حدّهـا زلّـه=في حكم الاخيار ما خانت ضمايرها

الله يرحـم فهـد ويعيـن عـبـدالله=خير الخلف للسلف يحيي شعايرهـا

يعوضنا في زعيم القـوم كفـو لّـه=زعيم تنقض له العـذراء ظفايرهـا

يسلك بها نهج ابوفيصل ولـه طلّـه=في هامة المجد ابومتعـب يخايرهـا

وخوان نوره على البيعه سنـاد لّـه=تأمن بوقفة هل العوجـى عثايرهـا

من عهد عبدالعزيز محنّـي السلّـه=اللي بنا ساسهـا وأحكـم جدايرهـا

تبرى لها اللي تفلّ الحمـل وتشلّـه=إملوك تضفي على الدوله ستايرهـا

والشعب ما يختلف عن بيعتـه للّـه=عهد الولاء والذمم علـى خبايرهـا

شعب الوفاء والصفاء والطيب والدلّه=ومقابل الحرب لا شبـت سعايرهـا

العز لأهل الجزيره دايم أهـل لّـه=ماضي وحاضر ومستقبل عشايرها[/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب معاد نسمع خبرها =مدري حيا ولّى مع الميتيني

ناسٍ تغيب سنين محدٍ ذكرها= وناسٍ تغاب أيام كنها سنيني

[/poem]