توني أدري أنهم يستخدمونها في صناعة أصياخ اللحام

لاكن على كل حال هذي الفلاتر تجي في أغلب السيارات الأوروبية خصوصا ال بي أم والمرسيدس

وهي مادة داخل الفلاتر تسمى catalyst وهي مثل ماذكرت تحتفظ بالحرارة وتقلل الصوت

ووظيفتها الأساسية تقلل أنبعاث الكربون الضار بالبيئة وهو مطبق بشكل صارم في بعض الدول الأوروبية

كان عندي بي أم دبليو --- صار فيها نفس المشكلة --- صوت خرفشة وليس تهريب جانبي

الوكالة قالوا الفلتر الواحد جهة وحدة ب 1100 ريال --- وشرحلي أهميته الأساسية وهي تقليل التلوث

قلت في نفسي --- لو تجي منظمة الصحة العالمية والحفاظ على البيئة ستجد العجب

بعد صدمة ال 1100 ريال --- رحت لورشة أبو يمن أبغي أشيل الفلتر نهائيا لو يقص الكنداسة المهم أعدم البيئة ههههههه

قال لاتشيل هم --- كلها كم يوم ويظهر طبيعي مع الشكمان بدون أي تدخل قيصري --- وحدث ماذكر

بعدها بعت الألماني --- وسألت عن السيارة اللي تنكرف وماتقول أبي --- قالوا الفرد كراون فكتوريا أو الجراند ماركيز

لاكن لو تنعدم الفلاتر ما اغيرها وخلها تظهر مع الشكمان بلا بيئة بلا هم --- ال 5% ويالله الخراج


وسوالف النصب والأحتيال من عمال الورش حدث ولا حرج --- والحرص واجب --- وشكرا لك على التنبيه --- وبيض الله وجهك