رايعة من روايع المرحوم باذن الله سعد ابن هماش العاصمي ...
في البداية ادعوا للشاعر بالرحمة ....
ويقول الشاعر سعد بن ناصر الهماش العاصمي وهو من الهياثم الخرج ...
انا نفسي بياض الصبح منهـا
على درب الوفاء يمشي ضعنها
رقيت ابها على روس المعالي
مكـان العـز تفتنـه وفتنهـا
رفيقي كـل مـادس الخطايـا
على دربي ولا جـود رسنهـا
اغض الطرف عنها وآتغاضى
تموت وكف نسيانـي دفنهـا
الا وين الرفيـق اللـي يقـدر
يخلي الميته بأوسـط كفنهـا
هـذاك بعيـد وديـاره بعيـده
ياسعد اللي دياره قـد سكنهـا
رفيـق رفقتـه ماهـي تغيـر
كما الدانه ربح من هو خزنها
انا لـو بالتمنـي كـان ودي
اروح لبرها واتـرك وطنهـا
ادوج في الفياض اللي هواهـا
يفك النفس عـن هـم زبنهـا
واصيد الصيد لامنـه بدالـي
واعطف ناقتي واشرب لبنهـا
ألذ من البلـد لـوان ذهبهـا
على جدرانهـا سـر وعلنهـا
تقبلو تحياتي