[poem=font="Simplified Arabic,4,darkred,bold,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
أنتهى صبر المولّع وباح السد باح =وأنقطع حبل الرجاء بين ذاك وبين ذيك
كلما غرّد على الغصن عصفور الفلاح =مالت الورده على جال ساقيها تبيك
عقب ما كانت تصَبّح بوجه أحلى صباح=شمة أنفاسك ومسحة حنان من يديك
أصبحت من بعَد فرقاك لو ماها قراح =يندب العصفور والغصن والورده هليك
غرسةٍ فيها النضاره ومنها العطر فاح =يوم كنت تسوقها كل يوم وترتويك
خلف سور ماتهزه عواصيف الرياح=في ضفاف اللي ملكته ولا لك به شريك
ياملاك الحسن نبع الصبابه والسماح =أشهد إن ربي على الكون كله مصطفيك
في عيون اللي غدى مثل مكسور الجناح=من صروف الوقت والبعد في حالٍ دريك
أه لاذعذع من الغرب والا البرق لاح =شافته عين المعذّب وهو مثل الشبيك
والله إنها أدمى على القلب من جلد السلاح=لاتذكّر طلة البدر والحلم الوشيك
ساعةٍ يطرب لها البال ياظبي البراح=بين مظنونك وبينك ولاتنقد عليك
جعل يفدونك دعاة الهواء والإنفتاح=والجمال اللي يقلّد على هِيدا وهيك
ياملك عرش الجمال الطبيعي والوشاح =أنت مامثلك ولاغيرك لعرشه مليك
فيك للروح إنتعاشه وللصدر إنشراح =والسعاده والهناء كلها يوم ألتقيك
الحلا والدل واللطف والسحر المباح =والمشاعر والحياء الجم ثوبه مكتسيك
والحنان وطيبة النفس ياسيد الملاح = كل وصفٍ نادر للجمال ألقاه فيك
الشعر والجيد والخصر ألاهيف والشْحاح=فوق صدرٍ ريحة المسك من فوحه تجيك
والجبين أللي يشعشع مثل شمس الصباح= البحر من دونها والشفق في وجنتيك
والثمان اللي تلالا ورا حمرٍ صحاح=وأن تجلت بسمة الثغر يرحم وألديك
لو يشوفك طير حوران من عاليه طاح =مثل ماطاح المعنّى بنظرة ناعسيك
وأسقى الله يومني وأنت يالخود الرداح =نقطف أزهار البساتين في واحة ذويك
قبل ترمينا عيون المشفّح بالرماح=وتّحقق غاية أهل الحسد فيني وفيك
والمصيبه يا اريش العين حق مستباح = والمفارق مثل قولة عسى الله يبتليك[/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب معاد نسمع خبرها =مدري حيا ولّى مع الميتيني

ناسٍ تغيب سنين محدٍ ذكرها= وناسٍ تغاب أيام كنها سنيني

[/poem]