ناصر السلولي


والله طلع دكتور ذكي جدا


واتذكر صارت لي في الجامعه


كان عندي اختبارين في يوم واحد وكل اختبار عليه 15%



والمهم ركزت على واحد وماحضرت الثاني

ورحت للدكتور وقلت ماقدرت احضر لأني جاني ظرف


قال وش الظرف


قلت ابوي جاء الشرقيه فجأه ودق علي من المطار وقال تعالي ومافيه احد يقدر يستقبله غيري


ومايعرف الشرقيه زين


قال شلون دق عليك


قلت على تلفون السكن قبل الاختبار بنصف ساعه تقريبا


قال من وين دق عليك


قلت من جواله


قال وينه الحين قلت عند واحد من الجماعه

قال طيب عطني جواله وطلع الدكتور جواله يبي يدق على ابوي

وضاعت علومي وابي اتذكر اي رقم جوال بس يكون مقفل


المهم لحقت على نفسي وقلت ماني حافظ الرقم


عاد ضحك وقال ترى الصدق زين


قلت ماجاك الا الصدق والمهم الموضوع عدى على خير


بس يازين الصدق


لاهنت اخوي ناصر على القصه الجميله والطريفه


ابدعت وتالقت في حضورك اخوي ناصر

بيض الله وجهك ولك كل الشكر والتقدير

__________________



اللهم أرحم والدتي ..وأجعل قبرها روضه من رياض الجنه..واسكنها جناتك