هذي قصيده متواضعه وتتكلم عن الصداقه في هذا الزمن مع انه الحمدلله ماصار من الي فيها شيء ولكن اكذب الشعر اعذبه واعذرونا عن القصور



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياعيد دوك القلم واكتب على الاوراق شعر ونثر = النفس ضاقت على حالي وحال الناس ياضيقها

وان شفت كلمة صديق اقفل بها القوسين وابدا السطر = ياعيد هذي بعد جربتها ياعيد ماطيقها

العام كنا مثل قلبين حابسهم ظلوع الصدر = واليوم وقفت على الحنجور ماعاد نبلع ريقها

سهم ٍ يصيب الظهر حده ولا سهم ٍ يصيب النحر = وش عاد باقي بعد زادت جروح القلب تفتيقها

لا والله ألا زمان ٍ صار فيه الوجه مثل الظهر = مايستحي راعي الكذبه من الكذبه وتنسيقها

يالي تحسب المراجل كلها فحساب طول الشعر = ماهي بتصعب على موس الحلاقه وقت تحليقها

المرجله ياطويل العمر ماجات في روس البشر = المرجله بالفعول الي عليكم صعب تحقيقها

هذي حقايق على الواقع وفيها الكثير من العبر = ياكم وكم سالفه يصعب على العٌقال تصديقها

يالله ياربنا المعبود ياكافل نزول المطر = تصلح لنا حالنا واحوالنا قدام تفريقها[/poem]