تاريخ التسجيل: Aug 2005
الدولة: الخبر+ سراة عبيده
المشاركات: 4,240
طفشان يا ناس --وين أروح --؟؟؟
بسم الله الرحمن الرحيم
السلام عليكم
---
طفشان ياناس ---وين أروح ؟؟
----
صحيح طفشان وضايق خلقي --- وذبحنا هالروتين الممل ---من ناحية عمل او أكل او نوم
او حتى التحدث مع الاخرين ---
انا أقولكم ويش سويت --قلت --ما يبيلها نطلع للمقهى --مثل ما يعمل اخوتنا المصرين --
وذهبنا الى اشهرها ---وياليتني لم اذهب واشوف --وجدت العشرات وللاسف اكثرهم شباب
مترنحين --من المعسل --عيونهم زائغه --افواههم مفتوحه --والدخان مغطي القاعه --تصور
انك تجلس بموقع يعسل فيه خمسين او اكثر --وليه في القاعه --لان في الخارج حر ورطوبه
تركتهم --وقلت الشاطي الجميل -ونسمة هواء بحريه --فوجدنا الشاطي املاك خاصه لمسافة اربعين كم ----يعني علشان
هالنسمه --اروح واجي ثمانين كم ---قلنا بلاها --ونفرعلى
الكورنيش --فوجدنا ه مقسم الى ثلاثة اجزاء --الاول مطاعم --ولا تسألوني لماذا تلك المطاعم
في ذلك الموقع بالذات --وهناك البديل على الشارع العام ويترك موقعها --للناس الطفشانين
والمحدودي الدخل --مثلي
والجزء الثاني --اسواق --!!!! سوق على الكورنيش كيف ؟؟ويضاف لها الكثير من الارصفه
الجزء الثالث وهو اصغرهم -- مخصص للطفشانين من الجنسين وورعانهم --ولا يتسع لاكثر
من 500 عائله
قلنا بلاها --بحر --وحنا بدو --مانحب البحر --وعلى خط الرياض نبي البر --وتخبرونه طعوس رمل
لا غابات ولا انهار ولا غزلان --والمتوفر --حيات وعقارب وجرابيع وضبان ---ومن شبك في شبك
على الجانبين ---ولمسافة70كم --على ايه يشبكون هالطعوس --ما فيه معلوم
ياولد وين نروح --وزاد الطفش -- وانا حايس افكر --كانت السياره اذكى مني شوي --اخذتني
عند بوابة جسر البحرين --واشوف الجسر يبتسم ويكاد يرقص --ابتهاجا بمقدمي
واوقف --واتفرج --في آلاف الطفشانين فرادا --وبعوائلهم ---وعلى البحرين --
ونويت ولكن ما اراد الله --جواز السفر ما هو معي ----!!!!
واخيرا --قلت خابر لي صديق من سنين --ما دام صرت حول بيته --ليه ما ازوره --ويعشينا
وذهبت له --فوجدت صديقنا تقاعد من سنتين --وغادر الى جده !!!!!
من ثم رجعت للبيت --وصحت فيهم --بسرعه سوا لي ( سوب ) يعني مرق --وحطوا عليه جميع
البهارات وحتى القهوه والمسمار اضيفوها --- علامك ؟؟؟ قلت
رأسي -- بيوجعني --يعني بينفلق --يعني بينفجر --من اللي شفته
تحياتي
__________________
أبشرب من دلتك لو كلها سم .. ما أهز فنجانك و لا أقول كافي
دامها من يمناك و تقول لي سم.0. بسم الله أشرب كل سمك عوافي
التعديل الأخير تم بواسطة مرتاح البال ; 16-11-2007 الساعة 07:32 PM