مشرف
مجلس برامج الكمبيوتر و الانترنت
تاريخ التسجيل: Jul 2007
الدولة: الرياض
المشاركات: 3,039
رد : مواطن كويتي يصطاد نسراً «متوحشاً» بعد مطاردته على الحصان
لاهنت ياخــــــوي على نـقل الموضوع
وانـتبهوا ياللي عندكم اغناااام لاعاد تـطلعوها ترعى ...... عطوه برسيم وشعير وسوو لها دواجن على شأن تـحميها من النسر ههههههههههههههههههههه
والظاهر ان السالفه مثل سالفة طائرالخـــرب الخرافيه
وقصته
كان فيه رجال يحب البر ويحب القنص وجاك ذاك اليوم وراح لمنطقة الربع الخالي يبي يقنص المراد جاك مع ذاك الطعس وتغرز عليه سيارته وحاول انها يطلعها ماقدر وائيس حاول بجميع الطرق ماقدر اخذ معه ماء وذهب في الصحراء لعل وعسى يلقى ناس او بدو المراد ان الماء اللي معه خلص مشى الرجال مسافه اهلكه الجوع والعطش وفي ماهو يسير راى طيور تـتـهوى على جيفه تـفأول بالحياه وعندما اقترب اليها رأى طائراً غريباً كبير في حجمه أسمه الخرب ابتعدت الطيور منها واخذ ينهش في الجيفه والرجل يزحف على بطنه ليقترب منه وعندما احس الطائر الغريب به اخذ يجري لكي يطير فأخذ الرجل يركض خلفه فامسك بجناحه والطائر اخذ في الاقلاع والطيران فتمسك الرجل في ظهره واخذ يحلق به في السماء والرجل يـنظر في الارض والطائر كلماله يرتـفع الى اعلى والرجل مـتمسك فـي رقـبته فـأخذ يوجهه يمين ويسار فتحكم في الطائر الغريب فاخذ في النزول للارض وعندما راى الارض طالع الا برج التلفزيون بالكويت فـميل به الى السعوديه ومر البحرين وعندما دخل حدود السعوديه الا الطائرات الحربيه السعوديه تحاصره من جميع الاتجاهات يقولون سلّم نـفسك انت محاصر ارفـع يديك أخذ الرجل يصرخ بقووووة ويقول يانعبو ابليسكم والله مافكهه عود الرجل واخذ يهبط بالطائرشوي شوي باتجاه الارض حتى وصل الارض وأخبرهم بالقصه من اولها الى اخرها وكذا انتهت القصه
ترى كتبتها لكم على السريع فالمعذره اذا حصل خطاء
التعديل الأخير تم بواسطة أبو وليد الجروي ; 07-11-2007 الساعة 02:47 AM