قصيده للشاعر الكبير/ سعد بن مناحي بن شفلوت


[poem=font="Traditional Arabic,5,black,bold,normal" bkcolor="transparent" bkimage="" border="double,medium,gray" type=4 line=0 align=center use=ex num="0,black"]
أنا والروابـع والقلـم والرضـا والغيـض=وصدرٍ هواجيسـه علـى القـاف منتويـه

وليلٍ غدا من وحشته في حشـاي بغيـض=وكبـدٍ مـن عـدود الغرابيـل مرتـويـه

سرينا على وضح النقا والقلـوب البيـض=ولوّ ان ظروف الوقـت ماهـي بمستويـه

وكتبنا على بيض الورق من جداد الهيـض=قرايـح خفـوق بالصـواديـف مكتـويـه

اجدّد الامل واقـول قفّـت نجـوم القيـض=واسوق القـدم والنفـس ماهـي بمهتويـه

اشوف السعد يضحك واشوف الدموع تفيض=ولا ادري وش نفوس الرجاجيـل محتويـه

يريض الشقا في الصدر والعمر كيف يريض=تطـوف السنيـن وسكّـة الحـظ ملتويـه

[/poem]

__________________
[poem font="Traditional Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اللي يحقِّّر بالرجـال يحقَّـر=واللي يهاب من الرجال تهابه[/poem]