[poem=font="Simplified Arabic,4,red,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
في ساعة الضيق ضاق الكون في عيني=وذكرت ربعي وصدقاني وخلاني
ذكرتهم والامل والياس حاويني=احدً ماقصر معي و احدً تناساني[/poem]



..

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
شموع الامل ذابت وبانت نجوم الياس =وحنّت رعود العاطفه وامطرت عيني
وشفت الليالي غير والناس غير الناس=ولادري البلا ف الناس ولا البلا فيني
وتجرعت من مر الشقا والتعاسه كاس=وبكيت الليالي قبل وقتي يبكّيني
تناهيد صدري زودت زحمة الانفاس=وقوّيت قلبي لين ذابت شراييني
انا وش بلاني في مخوّتك يالوسواس=مايكفيك خمس شهور وانته مخاويني
اواجهك بالبسمه وتهديني الهوجاس =انا اقول لك مشكور لاعاد تهديني
كفايه تعذبني على وضعي المنحاس=جروحي من ظروف الليالي تكفّيني
نويت انهي الخوه معك واقرع الاجراس=واوقف على باب الفرح باخر سنيني
وانا ادين لك بالفضل لو شاب منك الراس=بخوتك يالوسواس بانوا معاديني
وبانو لي اصحاب الرخا والرجال اجناس=وبانوا لي اعز اصدقاي ومحبيني
صدق من يقول ان الاوادم ذهب ونحاس=وانا كنت اضن اديانهم تشبه لدينيي
ياكم واحد ٍ في الارض يمشي بدون احساس=نساني ونسي اللي حصل بينه وبيني
لو انه سألني قلت طيب ولا اشكي باس=ولكن بعد ماصد ماعاد يعنيني
مادامه نساني يومني بين ضيق وياس=انا اقول بعد الموت مابغيه يبكيني [/poem]

__________________
[poem font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياللي تضن اني نسيت الموجيب=والمدح ساسي والمعزه ثيابي
عطني يدك كانك تبا العز والطيب=ولا فلا تشره علي في غيابي[/poem]