[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا بحـــــر جـــــزل المعاني جيتك بمجدافي = فـــوق سنبوك يدفـــه في الضمير اشراعـه

جيت صوبــك يا بحـــــر مغير أنا والقـافي = ابغي أبياتك تقــــول الســــمع لي والطاعـه

فوق كبـــدي حر كنه لســــعة المرضـــافي = في بحرك ادوج سـاعة واختفـي لي سـاعه

لا طلبتك عطنـــــي البيت الجزيــــل الوافي = بيت شـــعر يَطــــــّرب الرجال في روباعه

لاتجيهل مقصـــــدي وتهــــــز لي لكتــافي = وأنت تعرف مقصدي والطيب فيك ابضاعه

جيت حــــافي مستحيل أروح منـّك حـــافي = والعشـــــــم بك ما تخيّب نفســـي الملتاعه

مطمعي طمعـــة اسنـــــافي طـامع بسنافي = لو رجع من غير مطلوبه صِعّـــب مرجاعه

العرب من خلق يعرب تعشـــق الســولافي = وأنت يا جزل المعـــــــاني مالحق لك قاعه

أنت بحـــــر ٍمن بحــور مرتمي الأطــرافي = والغشيم إذا دخــــل بك يا صُعـــبْ مطلاعه

مايغوصك كون بحـــــار عـرف لصــــدافي = لك مكان ســـاكنه من بين حنــــي أضلاعه

أنت زينك في المجالس يعجــب العُــــرافي = وأنت متعة من زمـانه ضحـّـــك له ثم لاعه

وأنت وصف لاخدمك الشـــــاعر الوصافي = شُشُت له شوشـت شجــاع ٍماحترا الفزاعه

لين يظـِــــهرله كنين فــــــي ضميره خافي = جـــــــاعله ســـــرّ ٍوســـرّه ذاعــــة لذاعه

وأنت بلسم للجـــروح اللي تحت لنجــــافي = لا غدا قلب المــــولع كنــــه القـــــرقــاعه

وأنت سيفٍ شاله الشاعر بدون إغـــــلافي = مثل سيف الفــــارس اللــــي قوته بذراعه

يا بحر جـــزل المعــــــــاني ماعلي إخلافي = فـــوق سنبوك يدفه في بحـــــرك اشراعه[/poem]