المشاركة الأصلية كتبت بواسطة معيض بن صميع

أعزائي .. مساءكم شعر ..

أهدي لذائقتكم العذبة هذه المتواضعه بعد الغياب .. مع التقدير ،،

صلوا على النبّي

[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=3 line=1 align=center use=ex num="0,black"]
والبارحـة ممـا بقلبـي تـهـاوى=كل الطموح وصرت مخلوق عادي


ذياب صدري وسط صدري تعاوى=والهم درهم بيـن مقبـل وغـادي


مرّت على بالي جميـع الفتـاوى=بين إيه عادي وبين ماهو بعـادي


لوكل جرح ٍ لو يـداوى تـداوى=ماظلّت جروح الضماير جـدادي


أوّاه ياحـزن ٍ عتيـق ٍ تــلاوى=بين الظلوع وصارشربـي وزادي


ماغير نفسي والملامـة تخـاوى=وماغير وجدي في خفوقي ينـادي


ملّيت بلحالي لصلـف الدعـاوى=صوت ٍ يداعي بالليالـي هجـادي


ياليتهـا قصـة غـرام ومهـاوى=أوسالفة حتـى قصيـر المهـادي


عشرين قرمٍ متعبيـن وجـلاوى=أضحت مناويهـم قليـل البـرادي


ذيك المناوي قدم عيني تـراوى=مادام يمكن مثـل علـم ٍ وكـادي


إي والله إنه في عيونـي تسـاوى=إن عاش ولاّ مات حلـم المنـادي


اللي على زايد وجعـه ايتقـاوى=والصبر كمّل ماحصل له مـرادي


الين طاحت عن خفوقي العـراوى=تصرّمت ظلـم ٍ عـراوى فـوادي


ياوالله البـارح طموحـي تهـاوى=وأصبحت بين الناس مخلوق عادي
[/poem]