يابوي عذّبني جفا رمش صيته
صارت حياتي بين همٍ وغربال
البعد يا صيته ترى ما نويته
لا تسمعي للهرج والقيل والقال
أنتي دفا القلب المعنّا وبيته
وانتي علاج الروح يابنت بتّال
منك ابتديت الحب وفيك انتهيته
يا اجمل بنات الخلق في كل الاحوال
والله لوترضى بهالحب صيته
لأجعل مهرها من عزيزات الأموال

....>>>>>>>>>>>>>>>>>>>>>>>

يابوي انا غيّرت رايي بصيته
ماعاد ابيها لو تقولون بريال
القلب شاف اللي على الشط بيته
فيها الجمال وصافي الحسن يختال
وضّبت قلبي له وغيّرت زيته
منشان تقبلني على عثرة الفال
ياحبني للبنان لو ما لفيته
لا صار خلي وسط بيروت جوال
إن ما نواني بالمواصيل جيته
أسوق له من صافي الحب فنجال

الاخ العريفي

لاهنت على هذه القصه العجيبه

وهذا الولهان المتقلب

الظاهر ما راح يقنعه الا المغربيه