السلام عليكم ورحمة الله وبركاته

أقدم لكم محاوره تجمع بين
الشاعر الكبير المرحوم/حمد هادي المسردي القحطاني
و

الشاعر الكبير/رشيد الزلامي العتيبي


ملاحضه/البيت الاول فالمحاوره وهو للشاعر حمد هادي مفقود من التصوير!!
للاستماع بالصوت

http://www.qahtaan.com/works/up/down...1186356818.zip


للقراءه :
[poem=font="Arabic Transparent,5,white,bold,normal" bkcolor="transparent" bkimage="backgrounds/21.gif" border="none,medium,gray" type=2 line=0 align=center use=ex num="0,black"]
حمد:

تفضل يالزلامي دوك هاذي حومة الميدان= أنا وأياك نبغى نشترك بالأوان شعبيه

رشيد:
هلا ترحيبت(ن) لو تنوز(ن) في كفة الميزان=رجح ميزانه في صالحي ميه على ميه

نبى ندرس ولا خسران غير مدرس العميان=وأنا خابرك ناجح لو بعد طرقتك هاذيه

حمد:
علامك تبتدي بنفرزه يالشاعر الفهمان=وأشوف نيتك من مبتداها شقلابانيه

نصيحه يالزلامي لا تغرك نزغة الشيطان=وأنا من دون حدي ما قبلة حلول سلميه

رشيد:
وأنا شايفك ضبياوي ولو الجد من قحطان=من أهل الدير اللي كل شغلتهم حسينيه


تراء بعض الأوادم يسفحون السفاحة الذبان=توقع لا تطيح بحفرت(ن) ماهي خليجيه
حمد:
سبقتونا على شط الخليج وكل شي(ن) كان=تفحط يا عميل الخير فالدار الكويتيه

لكن من قدم الحسنى يجازى مثلها بحسان=ورعى الثانيه ترجع له السيات مثنيه

رشيد:
أضنك تدل قص الفقع فالدهناء وفالصمان=وأنا من خلقتي والله ما ذقة الزبيديه

وأنا ماني بمتميجر ولا أشحذ واحد(ن) عريان=ذلولك لا تفكلها الرسن وهيه عمانيه

حمد:
أنا لي بين ربعي ياضعيف موقف(ن) قد بان=على وضح النقاء يأهل العلوم الخنفشاريه

نصحتك ما سمعت النصح الا ياطير بن برمان=أشيل الخرجّ مير الخرجّ وسطه توجد الحيه

رشيد:
كرمت ودمت ياوجه الرضاء يالرابح الخسران=خسار والخساره ما معانيه امعانيه

أنا ودي تسير القافله مع سكة السلطان=ولن زعلتني فصلتلك غتره حساويه

حمد:
تسير القافله يا صاحبي مع شارع الريان=لكن ضيعت درب القافله مثل السنافيه

يابى يدفن عميلي مير ضني بدفن الدفان=أنا راكب فرس والا الزلامي فوق شهريه

رشيد:
ليا طعتني سافر على أبو ظبي يا ظبيان=يابو رأس(ن) وأبو طاقيت(ن) من غير طاقيه

أنا راكب على شهريت(ن) تطمربي الجرفان=أبشعبها دقايق ثم أسلمها الشورديه

حمد:
حليله يا جماعة بالمعاني حاير(ن) بلشان=بعد ما جبتله من نوع سحر عمان كوفيه

تراني يا عميلي بركبك ذليل فوق حصان=يوديك الديار اللي عن العالم خلاويه

رشيد:
الأ يالله تعوض بخير وش هالفاضي المليان=وأنا ماحب أطب السوق مع ناس(ن) حونشيه

عسى طيارت(ن) جابتك تصبح مالها جنحان=يجيها مع مغيب الشمس طايرة(ن) خمينيه

حمد:
تراني في حياتي حالف(ن) ما ساير الخبلان=ولكن أجتمع تزيف مع عملات دوليه

وأنا أشوف الزلامي يا جماعة خير جاه جنان=من المعنى السمين مجوده بالرأس جنيّه

رشيد:
أبحجزلك محل(ن) في شهار يداوي الوجعان=يابو كبد(ن) من الأيام مطبوخه ومشويه

أنا بنشدك لو قابلك عنتر فارس الفرسان=تحمل طعنته والأ يصير علوم سريه

حمد:
الأ ياذيب ياذيب الندم ما عاد معك أسنان=تدور للعشاء لكن تعشوك العبيديه

حليله يارجال العرف عقب تجارته طفران=قليل المعرفه مستغنيه عنه السعوديه

رشيد:
أنا محري أني أضرب فيك لين تغني الجدران=يابو وجه(ن) يحالي لتهامي والتهاميه

تحمل ضربتي لا ترتبك لا شفتني زعلان=ولا جايك سوى مشعاب والأ طعن شبريه

حمد:
بنيت بيوت لكن يا خساره ما لها بيبان=غدى دارك مرف(ن) لرجاجيل الشقرديه

تراء منته بناجح فاللغز ياورد الحصنان=على وضح النقاء ماهي على الخانات مبنيه

رشيد:
لك الله لن عبطتك بالعقال أن تشقح الصيوان=ما تصبح غير بين بقيق وقصور النعيريه[/poem]

__________________