المشاركة الأصلية كتبت بواسطة عبدالله بن مداد الحبابي

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
قــال الذي يختار زين الطواريق =شاعر ولا يخفـاه واقع زمانه

يعرف زمان فيه بعض المخاليـق = مايسلمون الناس هرجة لســانه

لازم يلفق له من الحكـي تلفيـق = ومن صادقه يلقى جزاه الخيانه

يصادقك ويقول أنا حزة الضيق = علي يمينك والعمـــر لك رهانه

أنا خــوّيك غـرب ولا مشــاريق = وتصّدقه لي قال تسوى خوانه

ون كانها صكت عليك المغاليق = يقول كًـل يا صديقي وشــانه

ينسى الصداقة العهد والمواثيق = ويرضى على نفسه بذل ومهانه

جعله فدى للهل الوجيه المطاليق = اللي لهـم بيـن القبـايل مكــانه

اللي رقوا بالطيب عالي الشواهيق = بالطيب علّوا والردي في طمانه

سعد الصديق بماقف ييـبس الريق = للصاحب اقرب من طوارف بنانه

الطيب مارثهم ولا فيه تبـــــريق = خوة بصدق وطيب مع حفظ امانه

يستاهلون البن الاشقر لما سيق = لي صار هيله غاشــي زعفرانه

وختامها ياللي تبي العلم توثيق = اعرف ترى كـــل لسـانه حصانه[/poem]