[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ليــت الوفاء تاج على روس اهاليه =يبيّن اهل الطيب واهل الجماله

وليت الردى وسم على خد راعيه = من شان يترك في طريقه لحاله

وليت الكريم اللي كثــار حسانيـــــه = يبقى غني ويعيـش بعـز حـاله

وليت البخيل اللي ضعاف مباديه = يشوف فعل السوء بغلا حلاله

وليـت الـزمن ندري عن اسرار خافيه =نعرف حصاد الشهر بول هلاله

وليت المّوده ما تعّـود مشــاريـــه = عقب الغلا كل يطّوي حبــــاله

وليت الشباب يعود يوماً لماضيـه = يشوف فعل اجدوده اللي بقى له

وليت الحبيب ان غاب يرجع لغاليه = من شان يعرف كيف وضعه وحاله

وليت الشعر يكتب حروفه بأياديه =مايكتبه خطوى غشيم سعى له

وليت الشعر ما كل مطرب يغنيه = لجل المعاني ماتجيها خماله

وليت الفتى يحصل على كل امانيه = لكّن هذي معجره لا محاله[/poem]