صلوا على النبي ( صلى الله عليه وسلم )

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الأولة يالله يالمعبود يالفرد السميع = يا من جعل الانسان في دنياه عايش في صراع
فرج هموم في ضميري ضيقت صدري الوسيع = ولا تجعل الدنيا مناتي انما الدنيا متاع
والثانية سلام ما هبت نسانيس الربيع = !! يا مستمع حرفي عليك الصمت واحسن الاستماع
والثالثة خلوني انهى وامر الحرف المطيع = وانقل مشاعر خزننا في القاف قدر المستطاع
عبد المجيد اللي وفاته ادمت قلوب الجميع = وعبدالله الفيصل فقيد كلنا عقبه وجاع
يا لله ترحمهم وتجبر راعي الجرح الوجيع = واجعل لنا الفردوس وياهم مقر الاجتماع
ووداع خالد ابن فصل زاد مالا نسطتيع = يالله تصبرنا على مر المفارق والوداع
نبكيه لن موادعه عن دارنا امر مريع = 37 خلت في العمر فود وانتفاع
لكن عزانا في وداعه راعي العلم الرفيع = فيصل ابن خالد علي الجاه كالنيف الرفاع
رمز القيادة والتواضع ، والأدب شي فضيع = شخصيته هذي كذا ما هي تكلف واصطناع
راعي الكرم والجود كساب الطلاقة والصنيع = سبحانه اللي قسم الأرزاق والحقها الطباع
فيصل كما غيم بروقه في السما تلمع لميع = لا هل وبله ينتشر غيمه على كل البقاع
أبغى امدحك للصبح لكن خايف حرفي يضيع = ثم ابتلش وانا بوجهك يا الاهي من الضياع
نغليك يا فيصل ورب البيت والكون البديع = ومن لا عرف معنى الغلا في الله عده في الرعاع
(دندن) وحنا ذراعك اليمنى تحت امرك نطيع = مادام امرك في رضى رب البشر امرك مطاع
في ظل ابو متعب رحوم القلب والشهم الشجيع = ملك ملك وانا اشهد انه لاحتمى الموقف شجاع
حنا يابو متعب معك لاجل الوطن سد منيع = نحميه من خوانه اللي في دروب الغي ضاع
لاجل العقيد والوطن نشري الشهادة ما نبيع = ومن باع ربعه للعدو لابد له يوم يباع
يا ليتني باحدى القنوات الفضائية مذيع = واناظر اصحاب الضلالة والتملق والخداع!!
وش ذنب جندي الامن ولا الشيخ والطفل الرضيع؟ = هاتوا الدليل اللي سمح بالجرم وانفض النزاع!!
فكر مقفل يستبيح الدم والفعل الشنيع = واذا سألنا صاحبه يقول هذا الاقتناع
يهيم كالأعمى تحت قانون متبوع وتبيع = اغلق اذانيه وعيونه واجتهد في الاتباع
ما راح لابن الشيخ والمطلق وعبدالله المنيع = واستقبل الفتوى من ديار بها الفتوى تباع
حسبه على اللي شذ به في غبة الفكر الوضيع = الناس يجمعها انطباع وله عن الناس انطباع
لكن أبو متعب بعون الله يخزم للكيع = مقولته حنا وراهم دوم والدنيا متاع
واللي يتقمص بيننا شخصية الحمل الوديع = باذن الله إنا نكشفه واسراره القذرة تذاع
(ولو تنبح كلاب الخلا)!؟ وتهيم في الليل الهجيع = الليث يبقى وان تردى الوقت سيد للسباع
............
قصايدي مواهب من ذاكرة شخص ضليع = والموهبة تصقل ولا تخضع لحكم الابتداع
في لحيتي ان ما اعجبتكم لاخذف بها في الرجيع = وما انتوا على قصايدي ظمئا ولا أنتوا بجياع
وماني على الشهرة ولا نشر المجلات بسريع = يوم البعض ما عندهم شي وللشهرة سراع
مشاركاتي نادرة واقول ما يخدم قطيع = لكن قليل مستمر ولا كثير بانقطاع
والخاتمة صلاة ربي تاصل الهادي الشفيع = ما رددوا انصار يثرب مرحبا يا خير داع
محمد بن نغموش القحطاني[/poem]