[poem=font="Simplified Arabic,5,white,normal,normal" bkcolor="transparent" bkimage="backgrounds/38.gif" border="none,4,gray" type=0 line=0 align=center use=ex num="0,black"]
يا الّلى ملكت الروح لا تتعب الروح= هوّن على روحٍ تبا منك راحه
دار الخفوق الّلى بالاشواق ملحوح= لحّ الغريب الّلى نوى البعد زاح
وارحم فوادي م التسلّي والمزوح= وانته فهيم ابسلوته وانشراحه
مضناك م الفرقه جريحٍ ومطروح= دامك بعيدٍ من يداوي جراحه
جازيتني عن طول وجدي ومسموح= بنار في قلبي مساه وصباحه
ما اقدر على بعدك وانا منك مذبوح= وش حيلتي في الّلى عيونه سلاحه
قلبي من اصدودك مثل طير مجروح= طاوي على كسر المحبّه جناحه
شفتك بعيني برّ في لجّه ايلوح= وانا غريق وما أعرف السّباحه
حسنك وزينك متلفنّي ولا بوح= خيّم على قلبي غدر واستباحه
ليلي ونهاري من عنا شوقي أنوح= عطني من الأشواق يوم استراحه
يا ليت ترحم حالتي قبل لا أروح= وتروف بااللى ايعدّ شوفك رباحه
قل لي شعورك في صراحه وبوضوح= أنا أحبّك قلتها في صراحه [/poem]

الشيخ محمد بن راشد ال مكتوم