[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يامعشر العشاق هيهات هيهات=محدً جراله بالهوى ماجرالي
ذقتوا الشقا مره وانا عشر مرات=وجرحني اللي بالهوى مايبالي
وغاب وتركني في هموم ومتاهات=في غيبته ياوجد حالي لحالي
يامعشر العشاق بسكات بسكات=خلوني اذكر صورته في خيالي
ابي اشوفه والمح الخد بالذات=واحضن طيوفه لين يرتاح بالي
ماتعرفون اني من اسبوع مابات= وسهران واحسب نجوم الليالي
العاشق اللي مات قلبه ولامات=الله كتب له يفقد انسان غالي
والموت له سكره وللحب سكرات=من سكرتك ياحب ياهملالي
تكفون خلوني ولو خمس ساعات=ارتاح واهيجن ليا من طرالي
وانظم قصيدي واحبك ابيات بابيات=لن القصيد اصدق صديقً صفالي
ياهاجسي قم هات قم هات قم هات=من صادق الاحساس شعرًمثالي
شعرًعليه من التوجد علامات=خله يهيض كل من كان سالي
ويعلم اللي يقطعون العلاقات= ان المفارق مر والوصل حالي
البارحه سهران وافكاري شتات=واقول في هذا الزمن وش بقالي
وهموم قلبي صوب قلبي سريعات=كني اقول الها تعالي تعالي
جلست افكر بالزمان الذي فات=يوم ان قلبي من عنا الوقت خالي
وحلمي صغير ولا براسي طموحات=وكان الفرح عندي يشابه ظلالي
واليوم اشوف الدرب كله ملفات=وطموحي الاول ولاصير تالي[/poem]

__________________
[poem font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياللي تضن اني نسيت الموجيب=والمدح ساسي والمعزه ثيابي
عطني يدك كانك تبا العز والطيب=ولا فلا تشره علي في غيابي[/poem]