[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
الحمـد لله يـوم صفّـى النيّـه=في ليل ماكن في الليالـي زيّـه
ينجح جرير ويسقـط المتنبّـي=الرب واحـد والقلـوب خليّـه
صبّ الكلام وصفّـه وتفصيلـه=ما هوب ميزه في القلوب الحيّه
كم شاعر ما عنـده الاّ لسانـه=ناضج لسانـه والفعايـل نيّـه
والسيف احدّ من اللسان الاقشر=والكلمه اهون من غثا الجنبيّـه
يا شاطي الراحه سلبت الراحه=واحييت ما ولّـى مـن النديّـه
لا عـاد مليونـك ولا تسميتـك=ولا الشعر رمضاه تاكـل فيّـه
ردّيتنا لمـا قبـل مولـد طـه=يوم ان كلّن ماشْيِن فـي غيّـه
ولا قصورٍ فـي سلالـة زايـد=بياض وجهٍ في بيـاض النيّـه
يبغون يحيون الشعر وامجـاد=هويجملون الصـورة الشعريّـه
وحنّا وقصايدنا جعلنـا الفرقـا=أيّـاة كلمـه نعتبرهـا هَـيّـه
الهاجري يفزع مع القحطانـي=والشمرّي طاير مع ابن اخيّـه
والعازمي يقطع على الميزانـي=وابن فطيس ٍ في حمى الياميّـه
وعتيبـه الهيـلا ورا يوسفهـا=وين الشعر ؟ لا رحم ابو طاريّه
واختلطت الدنيا على من فيهـا=ما حسنه الاّ وفي قفاهـا سيّـه
بغداد تبكي من الغبن مقهـوره=في كل مسجد قامـت حسينيّـه
واطفالها من الجوع باعوا غالي=ينخوننّـا ووجيههـم منسـيّـه
ما يلتفت فيهم رفيـق الشاعـر=ولا ولـد عـمّـه ولا والـيّـه
الدين في وادي وحنّـا بـوادي=واعمارنا وان طوّلـت مطويّـه
يا الله دخيلك من عذاب الدنيـا=ورحمتك عند الصيحه المدويّـه[/poem]




منقووووووووول