رد : حملة شبكة قحطان || لدعم شاعر سبع اللغات عبدالله بن غريب القحطاني
الأخ فارس قحطان
سلمت يمينك وبيض الله وجهك
ولاهي غريبه عليك وانتو اهل الفزعات والنخوه
اما مايخص الشاعر المبدع
عبدالله بن غريب القحطاني مااقول ولاازيد على الأخوان اللي سبقوني لكن والله ياالربع
مالنا عذر وين نودي وجيهنا عقب مانخانا وزهمنا ابن عمنا وفي موضوع سهل للغايه بأمكان
اي واحد منا ان يفزع فزعه كبيره وهي ماتكلف اي شي لامال ولادم وياربي لك الحمد الدعوى
بيدينا ماطلب الرجال منا شي يحمل كلها رساله من جوال .. والشاعر عبدالله والله ياالربع انه يبيض الوجه
ويرفع الراس يعني يستاهل منا الفزعه ويكفي منه وقفته بين شعار القبايل ويمثلنا جميعآ ..
انا والله ياالربع اني برا الرياض كل الأيام اللي راحت ماجيت الا متأخر بس ان واحد من عوال الشايب كان حاطني في الصورة من خلال الجوال وسمعني قصيدة ابن غريب على الهوى عبر الجوال .. ووالله العظيم اني ماخليت احد
من معارفي طبعآ القحاطين واخواني وعوال اخواني الا وزهمته وقلت ارسلو لبن غريب رسايل خلجت ام الرخوم
وانا والله اني حامي من لي كم من يوم مع العلم اني والله مشغول واحيانآ ماعندي ارسال لكني احاول حسب
استطاعتي ...
واليوم ربعي ياالأحبه لاتخلون رفيكم والله العظيم انه مايخليه الا رجال مافيه حميا ..
اخيرآ اتمنى من كل قلبي للشاعر عبدالله التوفيق والله يجعلنا نفرح بفوزه كلنا جميع وانشاءالله انكم
قد المسئوليه ولاهنتو جميع
__________________
[frame="4 60"]لااله الاانت سبحانك اني كنت من الظالمين [/frame]