في ليلة من ليالي قبيلة قحطان اعزها الله
لتكريم الرحاله علي بن دمخان
كلفت بتكليف شرف وألقيت هذه القصيده
[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
دام الوفاء وراعي الوفاء لا عدمناه =منا وفينا وكلنا ربع واخوان
اللي فعل له فعل ما احد تعداه=في ذمتي انه زود لفعول قحطان
من جاش دار مزبنين المخلاه=الى مقر ملوكنا طوال الايمان
ساق الذلول موكل الامر لله=وراعي العلوم الغانمه دايم معان
يقطع مضامي البيد مضماه مضماه=ويرقا جبال ويجزع بطون وديان
رجله على درب المعالي مضراه=وعينه لدغفات المقادير ميزان
على خطا جده وابوه اثبت خطاه=متوارثٍ تاج الولاء ورث شيبان
متمكن منه الولاء لين غطاه =لبو متعب وعضيد يمناه سلطان
ويبقى الولاء لاهل الولاء ان كان مبداه=شريعة الاسلام ... سنه وقران
يكسب به الرجال دينه ودنياه=ويظهر من دحول الضلاله ببرهان
وحنا بدار أهل الجهود المثناه=لنصرة التوحيد في كل ميدان
الله يديم اللي السعد في محياه=بو متعب زمام الفخر طير حوران
اللي يورينا شفقنا على رياه=خير يهمل مثل همال الامزان
لولا غلاه اللي قصوره مبناه=ما جاه من عين الجنوب .. ابن دمخان
على ذلول من خيارٍ منقاه=وفي عهد عز وعافيه وأمن وأمان
مسلّم وعلمه على لسانه عفاه =جيانا نجدد عهدنا ياكحيلان
نعاهدك عهد علينا قطعناه=إنّا حزامك لا كسى الجو دخان
هذي طبوع اهل السيوف المحناه=ربعي صعوط الجن .. صبيان قحطان
حنا المثل للي بعاد نهاياه=اليا تبعنا صار له في الفخر شان
وحنا السعد للي ردى حظه أشقاه=اليا نصانا نبدل عجافه سمان
وحنا السند للي زمانه تبلاه =لو كان مديونٍ جعلناه ديان
وعنا العمى للي طروقه مخلاه=انطوعه لو هو صميدع .. وصنيان
ما فيه عد للظفر ما وردناه=الين صرنا للظفر ... قلب ولسان
وما فيه رجم للوفاء ما بديناه =الين صرنا للوفاء .. عنان وسنان
اذا ولدنا في نهار المثاراه=يعز له قيمان .. ويذل قيمان
ما تسمع الا لعنبو معدنه ياه=لا اقبل عليهم غرته غرة حصان
فشيوخنا ضلعان عزٍ منضاه=احصيها ياقوت والنبت ريحان
هم عزنا وهم قدمنا الوجه والجاه =وحنا وراهم نطنخ وفعلنا يبان
اللي نوانا يروح ثرم ثناياه =ما عاد ينسانا على مر الازمان
واللي نوينابه نوسدْه يمناه=ما يمنعه منا حجا فلان وفلان
عيال عود رافعين مسماه =قصايدي من طيبهم فوح بركان
لو ماهي بموزونه ولا مقفاه =صاروا لها مثل القوافي والاوزان
يا طيبهم مهما تهرجت طيباه=من طيبهم طبينا وطاب ... ابن دمخان [/poem]
وسلامتكم