اخواني الاعزاء السلااام عليكم ورحمةالله وبركاته ........... اليكم هذه القصيده من قصايد الشاعر .. شديد بن جارالله ال سعد القحطاني ......... ارجو ان تنال اعجااابكم


[poem=font="Simplified Arabic,5,white,normal,normal" bkcolor="transparent" bkimage="backgrounds/27.gif" border="outset,4,silver" type=0 line=1 align=center use=ex num="0,black"]
المرجله راس ضلعٍ يتعب الراقي = يصعب على اللي رقا عاليه محواله
هبت هبوب الخليج وهزت اشواقي = واهتز عرش الضمير وجر مواله
اقولها من صميم القلب واعماقي = ملعون من عز رجالٍ لاجل ماله
انا مع اهل الوفا والجود ملحاقي = ضمن الرياجيل رجليه وخياله
سقت المثل في كبير الخلق وانساقي = لو كان ماني بماسولٍ عن اعماله
ذوقي تعلا على واطينالاذواقي = واللي تسفل بذوقه مالي وماله
ماني بارفع طويل الثوب عن ساقي = ادور الستر في دنياي واسعاله
ولاني برافق رفيقٍ يبغي افراقي = باصد جعل السعد والخير في فاله
ما جامل الخلق رزقي عند خلاقي = الخالق اللي جميع الخلق بظلاله
خلاق كل البشر المفني الباقي = ربي جميع البشر ترجيه وتساله
ياما عطينا الركايب كل مرهاقي = ليل ونهارٍ لكسب الرزق رحاله
ان شفت نقصٍ جزعت وشانت اخلاقي = الله يذل الرخوم ويقطعس حاله[/poem]

وسلاامتكم ........وسلاامة قاائلها
.......... والسلاااااااااام عليكم ورحمة الله وبركاته