سلطان الهاجري وصياف الحربي ومحاوره من الوزن الثقيل اهديها لكم
[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
سلـطان الهاجري=
لاشفت مطلق وصياف السحيمي جميع =اوصي اهل البلد تنقل مشاعيبها

اللي يعرف الدير في طرقته ما يضيع=ابلا د يصبح بها وابلاد يمسي بها

صياف الحربي=
انته تحب الشتاولاتحب الربيع =حنا نعز الدير ونعز اصاحيبها

عزالله إنا نسوى في فالهـوجر صنيع=نصبر لبعد السفر ونروح ونجيبها

سلطان الهاجري=
اللي عطوك الوداعه يحسبونك وديع=الصبح لو ينشدونك قلت مدري بها

ياصاحبٍ تنطح الفزعه بصدرٍ وسيع=احذر علي الٍَِِِرٍٍِجل لاتحفي عرقيبها

صياف الحربي=
لا تعترض للوداعه وانته مشيك سريع =العافيه مع طلوع الشمس ياطــيبها

حنا نصارع سباع الليل في كل ريع =وانته مع ام االوليد ويدك في جيبها

سلطان الهاجري=
العافيه مالقاها كل قلب لكيع =اللي لياولعت يلحق مشاهيبها

الرابــح اللي محله في المكان الرفيع =دورات الايام مااحد عارف غيبها

صياف الحربي=
إن ماشفع لك محمد ماانت لاقي شفيع=بلاش تركز على البندق ولاترميبها

الظاهر إنك لشيل الحمل ماتستطيع =وإليا لقيت الخفيفه جيت ساريبها

سلطان الهاجري=
لاانقطع سلك الاذاعه وش يقول المذيع =أهل المكاتيب لايقرا مكاتيبها

ماعاد فالبحر مايملا جراب الجويع =والغبه ليا انتهت ماتت دغاليبها

صياف الحربي=
الطيب الطيب اللي يشتري مايبيع =واللي قطع سلكها ماهو مغني بها[/poem]

__________________