والا يالحميدي دعوتك تاج فوق الراس
تشرفنـي الدعـوه واهلهـا وراعيهـا
خوياً عزيز ورفقتك مكسـب ونومـاس
وانا مثلك وشـرواك رفقتـه نشريهـا
وطيبك تبين حزة الموقـف الحسـاس
مواقيف طيبٍ عجـز غيـرك يسويهـا
ودعوتك لاجتنا تـرى مالنـا مجـلاس
لزومٍ علـي دعوتـك اجيلـك والبيهـا
وجينا نشارك في حفل طيبين السـاس
عزاز النفوس اللـي عـزازٍ مباديهـا
بني وايل اللي تتعب الجيش والافراس
بعـاد المغـازي ماتقـرب مغازيـهـا
طحاطيح قوم عزهـم فـوق ماينـداس
طحاطيـح قـومٍ ماتهـادن معاديـهـا
بعد ماشفاء الله شيخهم والبسه بلباس
لباس السلامه جيت اشـارك واهنيهـا
سلامتك ياصالح عسى مايجيك البـاس
عسى سنينكم ياشيـخ تبطـي لياليهـا
سلامتك ياسلالة هل الدرع واهل الطاس
سلالة شيوخٍ يرفـع الـراس طاريهـا
عواجيـةٍ وفعولهـم فالزمـن نبـراس
ويـدري بهـا قـاص الاوادم ودانيهـا
لو اكتب فعايلهم قضى الحبر والقرطاس
فعايـل تتعـب كـل راوي بيرويـهـا
وكل القبايـل نعـم لادقـت الاجـراس
لها فعولها والنـاس تعـرف بساميهـا
والافعال طبعاً تفرق كليب عن جسـاس
طوال الشوارب فرقهـا فعـل اياديهـا
وختام القصيده عد مانسنس النسنـاس
وهبت هبوب النـود واذرت ذواريهـا
اقدم تهانـي مـع تحيـات للقرنـاس
بسـم كـل قحطانـي تقـدم ونهديهـا
اقوله وانا صادق ومن صادق الاحساس
جميع النشامـا جعـل ربـي يعافيهـا



قصيدة رائعه وفي شخص يستاهل

صح لسااانك وبيض الله وجهك على هذا التواصل
الطيب الذي لا يستغرب منك يالوافي


تقبل تحياتي

اخووووووك

بن غفــــــره

__________________



ممصمنا المبدع
تركي العلياني
ألف شكر لك