المشاركة الأصلية كتبت بواسطة مشهور عبدالله الشهراني

صلوا على النبي










[poem=font="Simplified Arabic,5,black,normal,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
شفت العرب كل(ن) بعيـده تهنـا=كل(ن) ذبح عيـده وعـود يعايـد

والغرب تذبح عيد (رجـال) منـا=لا والله الا شفت علـم(ن) وكايـد

رحنا شتـات وشتـت الله شملنـا=والهتك في رقاب المخاليق سايـد

وين الحميـه ياهـل الديـن عنـا=والدم فوره من بلاء الوقـع زايـد

قلت....العروبـه طبعهـا ماتونـا=مثل العصب بالكف والشور صايد

خاب الرجا فالظن...والصدق حنا=اسم على كبـره ومـا فيـه فايـد

عدونـا يانـاس قــام وهـدنـا=غبن وقهر والموت صـدام قايـد

صدام يذبـح يـوم حنـا احتفلنـا=وين الفرح ياهل القلوب الزهايـد

وسم الوجيه اليوم صبـح انغبنـا=احدن سكت و احدن تغبا وحايـد

وين العرب ياوين (كنـا) و(كنـا)=عصر الحروب المضرمات الشهايد

منا (صلاح الدين) ولاسلـت قلنـا=القدس تشهد قبل عصر الضهايـد

ومنا( قطس ) يوم ( التتار) اتحنـا=بدم الشعوب اللي جعلوها حصايـد

فعله علـى التاريـخ ذكـره يثنـا=يبقى على مر العصـور الشدايـد

والمعتصـم بالله زبـن المجـنـا=يوم انتخت بسمه غضيض النهايـد

لبا علـى جيـوش زحـول اتفنـا=في كسبها للمـوت مثـل الفرايـد

فيالله ترحـم حالنـا مـن عملنـا=وتجعل لنا نصر على الغرب عايد

حد الغضب مع فايـر الـدم غنـا=يوم العـرب كـل بعيـده يعايـد

والغرب تذبح عيـد رجـال منـا=لا والله الا شفت علـم(ن) وكايـد [/poem]