ياسلاطين العرب وش عذركم وين الحميـه
واحد(ن)من خيرة عيال العروبـه عيدوبـه
عيدو بالقائدالحـر الأبـي عيـد الضحيـه
وانتخت بغداد في عزوتك ياصقـر العروبـه
النصـارا واليهـود يحالفـون الفارسـيـه
وامة الأسلام حتـى مجدهـم مـا فكروبـه
الشهاده زور والقاضي من انصار القضيـه
استهانو في العرب والدين والعرف اعبثوبه
كيف مدري ليه مدري والدعاوي سرمديـه
واللعتب مرفوع يصحاب المصالح ومحسوبه
ون رضيتو مارضينـا فيـه والذمـه بريـه
قائد(ن) في خدمة اهل الضاد تشهد له حروبه
اشهد انه فارس(ن)مقدام وعزومـه قويـه
وقفته في ساعة الشده تكفـر عـن ذنوبـه
انحنى برج العـرب والمملكـه والفيصليـه
انحنت في حشمته والبنت عذراء ومغصوبه
والعراق اعلن حداده وارقصـي يالناصريـه
للهلال اللـي تبيـن بعـد ماطـول غروبـه
والنتيجه فتنة(ن) عضمى وحـرب طايفيـه
وهدمو مجد العراق وذللـوه وشهـرو بـه
الحقيقه غامضه والقصد واضح في الوصيه
نفذوها ياهل التوحيـد والنصـر ابشروبـه
ما يـذل المسلـم اللـي يتبـع سنـة نبيـه
والحذر لاتامنون الوقـت وامـان العقوبـه



ما أقول إلا صح الله لسانك

وبيض الله وجهك يالوافي على الشامخه والرائعه كروعة حضورك وتواجدك


كفيت وفيت قصيده جزله ولا تستغرب من شاعر بحجمك


تقبل وافر تحياتي وإعجابي


أخوووووووووك