بعض العرب يعجبك لو كان نايد=ودّك لو إنّه لك قريبٍ وتغليه
\\\
للشارده دايم من الناس صايد=وأنا على ماقيل " صيدي مذكّيه "
\\\
لو قلت يامحمد ولا قلت رايد=لزوم يعرف رايد إنّك تناديه
\\\
درب السهر يامكبّرين الوسايد=درب اللي همومه بليله تسرّيه
\\\
الهرج زوده مايجيب الفوايد=والحر يفهم لالمح شي يعنيه
\\\
إعرف ترى للطيب لابد عايد=لوكان كلمة شكر للرجل تكفيه
\\\
الكفو نرسل له سلام وقصايد=والفسل لاباللّه نفتّش مخابيه
\\\
السير له خطّه وللسرب قايد=والعلم له قلبٍ على طول يوحيه
\\\
والغانمه مآني عليها بأزايد=ومن قدّم المعروف يبشر بقافيه
\\\
وبالعون بعض الناس لو كان نايد=ودّك لو إنّه لك قريبٍ وتغليه


=============================================
الاخ والشاعر والمشرف والمبدع بإستمرار

يعجني اسلوب شعرك

ودائما نعرف ان الشاعر المبدع فعلاً

هو الذي يوظف في قصيدته أمثلاُ وحكم

وقد وقف كثيراً عند بعضها في الاعلى

فهي فعلاُ تستحق أن نستخدمها أمثالاً وحكم

وأن كنت أحس أن هذه القصيدة كأنها لي

فهذا يدل على أنها لامست إحساسي

وجعلتني أسرح معها وأفكر كثيراً وأتغنا بها