[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ليه يا الاسمر توردني المخاطر=وانت تدري ان عقلي لقلبي مباري
ماصحيت الا على صوت القناطر=كنها تحرضني ارد اعتباري
ايه شاطر و اعترف لك ايه شاطر=غير في التقدير ينقصك استشاري
لجل ما تدمن على كسر الخواطر= وترحم اللي جاك من ظلماه ساري
قبلك الظلم اهلك ملوك(ن) اباطر=ما بقى الا آثار تذريها الذواري
ظلمهم ظلمات ما فيها مواطر=اتفق عليه مسلم والبخاري
ولو تسل لبعدي سيف(ن) شواطر=ما انتحي عنك ولا ارجع في قراري
وكان صار السيف بالدم امتقاطر=لا تقول الدم ذا دم انتحاري
قول دم(ن) من عطر ذكراك عاطر=راح فيها عقب ما شاف العزاري
سو مايرضيك وعيوني نواطر=لو تماريني حرام اني ما ماري
الهوى والحقد لايمكن تشاطر=في خفوق(ن) لك فقط صار احتكاري
آآآآآه يا تعليلتك والجو ماطر=وسط دار بعيد عن دارك وداري[/poem]