بين أب وابنه التائب
الأبن
يا ابوي أنا جيت لك والنفس ندمانـهوفي القلب نار تشب وتشعل أشعالي
ولدك تاه الطريق وكثـرت أحزانـهوشرب المراره وغيره يشرب الحالي
الأب
رح خل ينفعك من طاوعت شيطانـهصاحبك راعي الوفاء اللي ماله أمثالي
صديقك اللي يعـدك ثالـث أخوانـهوشلون خلاك وقت الضيق للصالـي
الأبن
يا ابوي عطفك رميت الروح باحضانهونثرت دمعه تجي لنشاب الأهوالـي
لا عاد تذكر لـي الماضـي وخلانـهراحوا وشفني وحيد جالـس لحالـي
الأب
غرتـك دنيـاك والأيـام خـوانـهرضيت بالصحبه الحسنه بالأنذالـي
وأغضبت أبوك وفضحته بين جيرانهونزلت راسه وهو فيما مضى عالي
الأبن
أنت السبب في الخطأ وأنا أدفع أثمانهأهملتني وانشغلت بجمـع الأموالـي
خليتنـي للهوى وابليـس وأعوانـهيلعبي الجهل من جـال الـى جالـي
الأب
أنا أجمع المال وأتعب حيلي من شانهقرش على قرش وريال على ريالي
واشري لك اللي تبي من وسط دكانهوتختار سيارتـك لوسعرهـا غالـي
الأبن
يا ابوي أنا جيت والعينين غرقانـهتائب عن الذنب وارجي رحمة الوالي
السجن قطع فؤادي صمت جدرانـهوظلمة زواياه عنها موتـي أشوالـي
الأب
تعال ياروح أبوك ونبض وجدانهلا عاد تشكي وتبكي يابعد حالـي
الذنب ذنبي وصار وشفت برهانهوقررت أخلي الطمع وأهتم بعيالي
الأبن
أستغفر الواحـد المعبـود سبحانـهومن رفقة السوء أحذر كل الأجيالي
وانا اوصي الأب من فضله واحسانهلا تشغله عن عياله كثر الأعمالـي