الشيخ مبارك ال خليفه شاعر معروف وغني عن التعريف له العديد من القصايد الرائعه والذي يجد فيها القاري المتعه والاثاره كانت هذه احدي قصائد الشيخ مبارك والذي صارت حديث المجالس بعد القاءه ايها علي قناه الساحه في احتفاليه المرقاب وعلي طلب بعض الاخوان اخترناه لكم هنا ونامل ان نكون قد وفقنا في الاختيار

[poem=font="Simplified Arabic,5,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
بسم الله الواحد عظيم الشاني=واعوذ به من وسوسة شيطاني
اللي يوسوس بي لاجيت اهوجس=وهاجوسي اللي جابني وداني
وخلاني اقرا لي كتاب ٍ مدري=وشهو ,, لكنه نفس نطق لساني
لقيت به من كل نوع وصوره=مرسوم بالاشكال والالواني
وقعدت ادقق فيه صفحه صفحه=وشي ٍ خفا واشياء ما تخفاني
شفت الرجال اللي على دين الله=تتبع طريق محمد العدناني
صلى الله وسلم عليه وآله=واصحابه ومن يتبعه ربحاني
اهل الكتاب اللي نزل والسنه=واهل الدعا بالسر والاعلاني
عليهم اسلم سلامٍ وافي=واشوف عيبي واعرف نقصاني
ولقيت رجلٍ ما اختلف ميزانه=فالعلم والا عادة الجداني
طيّب وطيبه طيب ابوه وجده=ويعز ضيفه يوم جاله عاني
راعي الكرم والمجلس اللي يدهل=تلقى به الشيبان والشبّاني
كامل حقوق المرجله مجبّها=ويحفظ حقوق الجار هو والعاني
هذا عليه اثني سلامي وافي=واعرف حقوق اصحابي وجيراني
وشفت القصيد اللي يسر الخاطر=من شاعر ٍ ما يخلف الميزاني
يصرف كلامه مثل صرف العمله=ويبني البيوت اللي على السيساني
يعجبك في وصفه وفي مضمونه=وبمدحه النشمي وفالسلطاني
حتى الغزل .. لامنه غنّا بيته=تصبح معه رومنسي و وجداني
وشفت القصيد اللي بليا داعي=فيه الكلام الفاضي الملياني
هذا يوصّف كشخة الدلوعه=وهذا ذبحه الصد والهجراني
وهذا يفكّر وش حصل فالامه=وهذا يلّعن تالي الازماني
واللي (( تفقعس )) قال بكتب حره=والا يجر الصوت داني داني
واللي يحلل وش حصل فالقلطه=واخر لحن من تركي الميزاني
بتقول عطني بيت والا معنى=ويقول : (( انا ياخوك وش دراني !! ))
لاهو بلازايد ولاهو ناقص=يسهر ويقذا الناس بالدخاني
وشفت الشباب الكاشخ المتهندم=يدوج وسط السوق والدكاني
ما شاف خلق الله عنده حاجه=ويطرد ورى الصاحين والعمياني
والا جلس في الكوفي اللي في النص=ويسجل اسمه ,, داعج الاعياني
وارسل بلوتوثي على بلوتوثك=واستقبل ارسالي ولا تنساني
بدز لك مقطع وعطني مقطع=واروح اوري صاحبي وش جاني ؟!
وشفت الصلاة تمر ونخليها=ونصيح !! بالايمان والاحساني
واشوف صندوق الزكاه مفلس=والله في يوم الحشر ياقاني
وشفت الزعيم اللي على كرسيّه=ويصاقع الخبلان بالخبلاني
يامر ,, ومن هو مايطاوع لامره؟؟=يصير ابو عدّاي والافغاني
ملعون صير وما يعرف الرحمه=ومجرم ومن شرب الدما روياني
ان جات للتاريخ مع تاريخه=فالله يرحم هتلر الالماني
في عز واشنطن وحلف اوروبا=من غير حلف الصين والياباني
وحنا العرب مابين حال وحاله=ما تعرف الصاحب من القوماني
كل يسب اخوه قبل يسبه=ومن شاف عيب ٍ علم العرباني
حاولت احلل وضعهم وافكر=وبغيت اجمّع فكرتي ما امداني
الارهاب ولّع فالخليج قريّب=وبحجة الاصلاح والايماني
ناس ٍ بلا رحمه ولا ماويّه=وتخلي القاصي سواة الداني
ومات الحريري والقيامه قامت=فالشارع السوري وفاللبناني
والقاهره ما عاد تبغي حسني=واهل اليمن بالشلف والنيراني
والاردني عنده علومٍ واجد=شي ٍ يبين وشي ما قد باني
وبغداد من عقب النظام الظالم=يرقص لها الشيعي مع النصراني
حنا فرحنا يوم قالوا ((شمر))=وخرّب فرحنا الصدر والسستاني
وجات انتخابات ٍ بليا سنّه=واياد علاوي مع برزاني
والذبح و التدمير فالفلوجه=والنفط كله راح بالمجاني
والقدس راحت ولحقتها الضفه=وقطاع غزه قال : وش تناني؟
والشعب لامنه انتفض قالوا له=هدنه ,, ويذبح مثل ذبح الضاني
وحماس تبغي والجهاد يحاول=واحمد قريّع يسيّس الجدراني!!
والتونسي والمغربي والليبي=وراعي الجزاير كنه ((المرتاني))
وجيبوتي وجزر القمر والآخر=صومالي ٍ نيجيري ٍ تنزاني
لاهم بلا منا ولا حن منهم=واااااااجد علينا نقبل السوداني
وايران فيها كل ليل ٍ قصه=واكبر خطر !! فالمعمل الايراني
وابن الخميني قام يشعم ضوه=وزعّل كبير القوم رفسنجاني
وحنا نتابع فالجزيره شيٍ=حسب كلام محمد البحراني
وتيسير علوني ذبحه السكّر=وعيّا عليه القاضي الاسباني
وزلزال سونامي حشر خلق الله=من حد سومطره لاحد عماني
وهذا ملخص ما قريته كله=والله يعافيكم ولا يبلاني[/poem]

__________________