[poem=font="Simplified Arabic,4,black,normal,normal" bkcolor="coral" bkimage="backgrounds/18.gif" border="outset,4,red" type=0 line=1 align=center use=sp num="0,black"]
=طاح وتعثر

افـكـار فـكـري مـع الاحــزان مــلـتـمـه = يـمـشـي بـها الوقـت في حـلـه وتـرحالـه

بعض التجارب تصيب النفس بالـغـمــه = والـتـجــربـه درس لـلإنــسـان فـي بـالـه

خـلـقـني الـخـالـق بـدنـيـاي فـي نـعـمه =الـحــمـد والـشـكـر له واقــول يـثـنـى لـه

وهـبـني الـشعر في روحي وانا اظـمـه = شـعـرٍ يــتـرجـم هـمـوم النفـس بـجـزالـه

أخـاوي الـشـعــر واطـلع معـه لـلـقـمه = خـوة شـرف لـلعـلا والـصـعـب نـرقى لـه

يا هـاجـس الشعر عطني طيبك اشـمه = ودي بـعــطـرك وابــي ريـحه وابي فـاله

يا هاجسي صـاحبـك غـرقان في همـه = اسـمع عـلـومه وصــب الـضـحـك بـدلاله

الـطـيـب لـلـضــيف واجـب كـلٍ يـتـمـه = وفعل الـكـرم لـلـرجل معـروف بـافـعـالـه

حـن نكرم الضيف بالواجب ونحـترمه = لـه قـدر فـي مـجـلـسٍ فـرحـان بـقـبـالــه

الـضيـف له حق معروفٍ وله حشمـه = عـنـد الـمـعـزب وعـنـد الـعــم وعــيــالــه

ضـيـفٍ لـفـاني وهــرجه بـان بالـنمـه = يكذب ولا ادري ويش المقصد من اقواله

راع الـنـميـمه رداة الـطـبع فـي دمـه = ابـا اظـهـره مـن حـياتـي واقـطع اوصـاله

انـا اشـهد اني من علومه بــري ذمـه = ومـثـلـه وشـرواه يا الله تـبـعـد اوصـالــه

يا الله عـسى تـقلعه في شـره وظـلمه = رجـلٍ سـعـى بـالـكــذب والـعـز مـا طـالـه

طـاح وتـعــثر وشال الخبث فـي كمـه = ويـموت في حـسـرتـه من شينها اعـماله

درب الـمراجل عـليه النفـس مـهتمه = مـا يـتـبـعـه كـود رجـلٍ نــشـد مـن خالـه

يا حـافـر الـعد يـا الـلي تبغي الجـمه = لا يـتـعـبـك حــفــر عـــدٍ نـاشــفٍ جــالــه

راع الكرم والوفاء بحب انا خشـمه = ادرى عــلى خــوتـه والطيب يـهــدى لــه


***************************وسلامتكم*************** ************
[/poem]