[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اليا تربعنا على عرش بلقيس=علم رديفي يازماني وقله
حنا مزهية الدروع المتاريس =تبرى بنا عله وتشتد عله
لاروحت جرد السبايا مقاويس=جاء للثرى تحت المراثيع خله
مركاضنا طاله وكسب ونواميس= تشرب له البارد كبودن مغله
الله خلقنا للمنايا مراويس =نقفي ونرجع كثرة عقب قله
مدخالنا مدخال ذيب الخداريس=ومطلاعنا مثل النجوم المطله
ياما حصل في ايامنا من عواكيس=وياما جفينا حلتن لجل حله
نصبر على لطم التفق بالنواديس=من دون ستر الوجه ونقول لله
واليوم ياكثر الغثى والحواسيس=مغير نسترها بروس الاجله
زادت وعدت عن جميع المقايسس=وحنا نمنيها بشوف الاهله
ياصاحبي خل الجروح المراميس= انهل غلاك من الهواوي وعله
عان المحاجر بالعباير غواطيس =تبكي لو ان الدمع ماهو جبله
حملك طغا والجور تبرك له العيس=وانا تلقيته بدقه وجله
اخاف من سحم الليالي المعابيس =تطري علي والليل ماراح كله
وانا صخيف الحال راعي هواجيس =والدرب ماعرفه ولانيب ادله
اشره على الشرقي وجاله نسانيس =برد الهيام ودفوة الليل جله
اسمر على طيف العيون النواعيس =واضحك لتايهة الرموش المظله
واجر كفك للكفوف المفاليس=وانثر جديلك للهبايب وافله
وابدي عليك شفوف قلبن محابيس =يبس لها ريقي وريقك تبله
واحط في قلبك دروب وعواسيس =تسبر مغاويره وتدخل محله
ياسيدي ماني زبون المباخيس= نفسي جزوع وكل عسرن تمله
اما مود ولاعليها طلاميس = هرجن فصيح وكلمتن مستدله
والا على التخميس صفق السواديس =الله يبيح الحب والله يحله
وداعتك لاهنت لاغترك ابليس=عرض على قلبي بهونك وقله
واللي معلقك الظلوع المقاويس = انك وفيت ولاحصل منك خله[/poem]
وسلامتكم

اتوقع انها للشاعر محمد العيافي

__________________
لـــي لابة لاقلت للخيــــل رده ,,, ترايعوا للهوش مثل الجمالــي
وفعولنا بالضــد كل يعــــده ,,, يعده الاول لنســـل التوالـــي

الشيخ/ محـــمد ابن هـــــادي. الله يرحــمه