اخواني الكرام بعد طول الغياب اهدي لكم ابيات اكيد سمعتوها من قبل بس من حلاوتها وطيب شاعرها انقلها لكم هنا مع تقديري للجميع ( ذكــــــــــــــــــــــــريات ابن شائق )

[poem=font="Simplified Arabic,5,purple,bold,normal" bkcolor="transparent" bkimage="backgrounds/18.gif" border="double,medium,sienna" type=2 line=0 align=center use=ex num="0,black"]

ابكتب على خدك عباره وذكريات = هدب عينك الريشه وحبري من دموعي

لك خدتين وشفةٍ من نظرها مات = ولك مبسمٍ سهر الهوى فيه مزروعي

ولك هيبةٍ منها المطوع نسى الايات = ولك سلطةٍ من حكمها يسلم الشيوعي

ردايف وصدر وكتف ومعنق الهيهات = عنق الغزال اللي من القفر مصيوعي

ولك عين ترسم نظرةٍ ترسل القوات = صناعات وسلاح من الموت مصنوعي

صواريخ طيارات عسكر ودبابات = بركسات وافراد وطوابير وجموعي

تسيدت وانت السيد يا سيد السادات = اصور طبق الاصل بالشكل والنوعي

قمر شمس لمبة غاز واصفى من اللمبات = رفيع النسب عندك تقاليد وطبوعي

تحير دقيق الوصف وتسبب الآفات = طويلٍ قصير دقاق مليان مربوعي

من المستحيل انساك وانت الأمل بالذات = خطيتك تدمح والغلط منك مرجوعي

اشاهدك سبع سنين عندي سبع ساعات = وسبع الدقايق عقبكم عندي اسبوعي

احبك ولا اسمع فيك عاذل ولا شمات = واقدرك واعزك ولو انك دلوعي

ترا بالهوى جنه وللحب تأثيرات = مقسم على جزئين مرئي ومسموعي

منامي هني لين اتذكر زمان فات = يبين الشفق وانا عن النوم ممنوعي

تمر السنه ما نمت كني مخزن قات = ياليتك تسوي خير تنظر بموضوعي[/poem]

عبـــــــــدالله بن شائق العاطفي القحطاني