[poem=font="Simplified Arabic,4,black,normal,normal" bkcolor="transparent" bkimage="backgrounds/1.gif" border="double,4,gray" type=0 line=0 align=center use=ex num="0,black"]
الصاحب اللي باعني في سوقه=وانا من اول وسط سوقه غالي

لخبط كيان اوراقي الموثوقه=وبيّع معرفتنا بربع ريالي

من عقب ماني كنت اساوي موقه=اليوم ينظرلي بعين التالي

المر عقب المر ذوقه ذوقه=الموت ذوق المر عقب الحالي

داري مزلزل من تحته وفوقه=شرق آسيا داري وهو زلزالي

فهمتها من هرجه ومنطوقه=ما قالها بس انه يورالي

من صدره وقلبه ومن معلوقه=ياهون مظهاري عقب مدخالي

حتى من دلاله طمرني سوقه=والكيف كيفي والدلال دلالي

في الليل الاسود غترتي مسروقه=وبلا عمامه وش لزوم عقالي

والحر حر ولو رثع في سبوقه=والبوم بوم ولو مطيره عالي

فالعاشق إن اله حفظ معشوقه=كمّل حياته كلبوها سالي

وإن راح جر العاطفي طاروقه=يلعب على وسيمته ويلالي[/poem]

__________________