[poem=font="Arial,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
‘‘ ‘‘ ‘‘ ‘‘ ‘‘





كل ماهبّـت علـى قلبـي نسانيـس الليالـي = قمت أحسّب ماكسبت من الحياه وماخسرتـه

واتذكر مكسبي واللي غـدا مـن راس مالـي = واتذكـر كـل حلـم ماهدمـتـه لاعمـرتـه

واتذكر كم غدالي مـن صديـق وكـم بقالـي = وكم صديق حافظ كرته وصد وضـاع كرتـه

واتذكر كم غدر بي من صديق وكـم صفالـي = وكم لئيـم كـل ماسنّـد مـع درب حدرتـه

وكم صديق رخص في عيني وهو قد كان غالي = وكم رخيص كل ماعزّت علي نفسـي حقرتـه

عقب ماهو يعتزيبـي ويتجمّـل مـن حلالـي = وان جبرنـي لازم دوّرت غيـره ماجبـرتـه

وان تضايق نصيني وان نصيني ماضاق بالي = أبذل المجهود واللـي فـي يدينـي ماذخرتـه

واتذكر كم عرفت مـن الرجـال أول وتالـي = وأنشغل مازارني وأنـا بعـد ماعـاد زرتـه

واتذكر كم رصيدي مـن زحازيـح الرجالـي = الرصيد اللي ليا ضاقت بـي الدنيـا نحرتـه

وان ذكرته هان كل اللي غدا فيمـا مضالـي = افتخر به والردي لابان لـي عيبـه خسرتـه

علّمتني ضحكـة الدنيـا وطنخـات الهبالـي = كيف حبل الطيب لامن طال طلتـه ماقصرتـه

وعلّمتني صحبة الرديـان وقصـار الحبالـي = كيف قسمي في المكاسب من حصاد مابذرتـه

وعلمتني بالمحبه والجفـا فـي كـل حالـي = وعلمتني ليش أهجر الرجل لامنّـي هجرتـه

والنهايه ماحصلّـي مـن نسانيـس الليالـي = غير همّ كـل ماهبّـت علـى قلبـي ذكرتـه



‘‘ ‘‘ ‘‘ ‘‘ ‘‘[/poem]