المشاركة الأصلية كتبت بواسطة علي بن حمري

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]

تبقى ملك صدري واعيش بطاعتك=شفني لك أقرب شخص في حاشيّتك

وأنا وقلبي وألغرام أتباعتك=حسّناك وصلي ..وألتجافي سيّتك

ياكثر ياهوش ألغلا فرّاعتك=لوماني بذنبك فأنا ضحيّتك

إزهل علي مفهومك وقناعتك=وعليك أبزهل عطفك وحنيّتك

جبّيتني وصلك قضى قطاعتك=وصرفت دينارينك وروبيّتك

وبثّيتني موجات عبر إذاعتك=أيجابك أضّفى رونق لسلّبيّتك

وأذهلّتني في فنك وبراعتك=مُعّجب بمزحك واحترم جدّيّتك

طمّنتني 00ألله يخفّف راعتك=ساعة شـِربت ألوعد من خمّريّتك

بطّـل مُحبّينك ووقّـف ساعتك=ولاتنتظر ردي على هديّتك

ما يكفي اني ميّتٍ بشياعتك=(شيعة) جروحك في غلا (سنّيّتك)

هبيت فيني ضيعةٍ بضياعتك=وحبّك معيّد بي وأنا عيديّتك

زودٍ على جمالك وسناعتك=وزودٍ على طيب أصّلك وربيّتك

ماجابني حُب أهّلك وجماعتك= إلا تسلّطن راسك وحميّتك !!

تضيق بي واركض على وساعتك=لعلّي أغـنم بعض من حُرّيتك

إن غبت داعيت ألجروح وداعتك=ولاصرت أحبك وش لي بدعيّتك

وإن عدّمت زبنت خوف قضاعتك=في وجه صبرٍ يحتمِـل جريّتك

ياقلب جمّلني وهاك اوداعتك=ألدمع أمانه 00وألبكاء وصيّتك

ألربع(قـُل) وبنت بقعاء صاعتك=حتى خذيت امن ألوجع (حذيّتك)

وأقّـليّلين ألمعرفه لاباعتك=لاينطفي جمرك تحت برّيـّتك

ياكثّرهم كُثّراه في شباعتك=وياقلّهم قلاّه في زريّتك

واذا أسّتوى خُسّرانك وطماعتك=قلت (إمس) ياراسي تحت كوفيّتك ! [/poem]