السلام عليكم ورحمة الله وبركاته
ارجو من المشرفين الاعزاء ترك هذا الموضوع خاص للاختصار محاورات المجالس وتثبيته
لانه والحمدلله يوجد هنا نخبة من اقوى وفضل ا لشعار الرد المعروفين والذي لهم محاورات متميزه
على الشبكة العنكبوتيه والكثير يعلم ذلك الا انها تذهب لم يستفاد منها ولكن اذا وضعت
في هذا الموضوع فسوف يستفيد منها الجميع كما انني ارجو وضع المحاورات بدون ردود من احد من
اجل تسهيل الوضع ارجو قبول موضوعي وهذ ا والاهتمام به فهو والله من حرصي وحبي
لهذه الشبكة المتميزه
وسوف ابدا مثلا بهذه المحاورتين الرائعتين بين هولاء النجوم
والبقيه عليكم يامشرفين
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
0 سعيد الفهري=
الاوله يا مسا الخيرات للشاعر وكل الحظور=في ليلة(ن) ما جذبني غير مجلسها وجمهورها
والثانيه هالسنه زاد انتشار انفلونزا الطيور =اخاف هذا المرض يقضي على السلمان وطيورها
عبدالله بن عتقان=
الأوله ياسلام الله على اللي مايعرف القصور= سلام يأمربه الأسلام وأصحابي على دورها
والثانيه يالعبيدي لو تفكر في جميع الأمور=ترى المرض منتشر والناس قامت تفقد أشعورها
سعيد الفهري=
قسم اللقاءات يشهد لي وانا واعي ووافي شبور= اقر الرساله بنظاره من اجل تميز سطورها
الادمي لو تجود يالبريكي في حبال الغرور=تطيح به وسط حفره دائريه ماحد يزورها
عبدالله بن عتقان
قسم اللقاءت يشهدلك لكن اليوم منت معذور=ياللي قطعت الإشاره والإشاره واضحٍ نورها
كم واحدٍ قال لك كلمه وهي ياطيب الأصل زور=وأنت تصدق عرب ماتعرف اللي داخل أصدورها
سعيد الفهري
انا ما عندي رومنسيه وكورنيش وحديقة زهور= ما عندي الا سيوف في وجيه القوم ونحورها
مهما تكون العلاقه بين خلق الله يجيها فتور=تحمد الله يوم العله عطاها البنج دكتورها
عبدالله بن عتقان=
وراك شكيت في نفسك وأنا ماقلت شي محظور=الناس ياصاحبي تمشي بمذهبها ودستورها
الله يخارج من اللي يالعبيدي يدهنون السيور= ناسٍ ماترتاح بين الناس حتى تدهن أسيورها
سعيد الفهري=
الشك زايل ما دام اللول والمرجان وسط البحور=ما يعرف الشك من صفه اسود مضيم ونمورها
الله يخارج من اللي يطبخون الفيس وسط القدور= والله يعوض عليكم في صحون الطبخ وقدورها
بن عتقان=
ونعم فيكم عيال مظيم والتاريخ سجل سطور=لكن حنا سليم اللي يهز الكون طابورها
لوكل رجال غافل فكر بيوم البعث والنشور=كان البشر كلها تسعى لشي أيوسع أقبورها[/poem]
*******
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
0 سعيد ابو ديه=
يا خولان ابن عامر بعد طرف الليل = سرت بي هواجيسي مع كل طاري
وأنا خابرك ماتنقص الوزن والكيل = ونجمك سطع بين النجوم السواري
0خولان بن عامر=
هلا مرحبا ترحيبةٍ تعدل الميل=عدد ماتلوح بروق لليل الغداري
مع دنة المعمال والبن والهيل=بارّحب واهلي وانت ياسعيد داري
سعيد ابو ديه=
يدوم البقا ياهل الحكم والتماثيل = وما قدر المولى على العبد جاري
ياخولان بين الشك والقال والقيل = ترى الخط ما يعرض على غير قاري
خولان بن عامر=
تقوله واقوله والليالي مقابيل=وانا عارفك في السوق بايع وشاري
ياويلك يابو ديه من الناس ياويل=ليا منك صرّفت الذهب والمصاري
سعيد ابوديه=
ليا بكر الوسمي بعد غيبة اسهيل=تبا تكتسي بالعشب جرد الصحاري
وانا عزوة المظيوم يامتعب الخيل=ليا صار في الدنيا الدنيه مواري
خولان بن عامر=
عسى جيتك من بعدها ياتي السيل=يغطي المزارع والشجر والكباري
نعّرف العيون اللي تقز الدرابيل= ونعّرف الصقور اللي تصيد الحباري
سعيد ابوديه=
ليا فاحت الدله فعد الفناجيل = على اللي على كسب النواميس ضاري
زرعنا ولكن ما جنينا المحاصيل = وندعي عليكم في ليالي القداري
خولان بن عامر=
تهّول علينا خل عنك التهاويل=راعي الصنف الاصلي مايحب التجاري
عسى الله يكافينا بلا النجم ابو ذيل=ليا هبت الجوزاء تزين المذاري
سعيد ابو ديه=
ترا ماشكينا قلت العزم والحيل=ولاكن على الله لي طرا لي طواري
ياهيه الزمان ايدور جيل بعد جيل=وبكره تشوف النجم نصف النهاري
خولان بن عامر=
ليا دارت الايام بالحط والشيل=يبيّن كريمين اللحاء والخكاري
لوان الليالي كل ابوها محابيل=قصرنا خطانا وانحرفنا اجباري
سعيد ابو ديه=
ترا الحمل مهما جار يبرك له شعيل=ولو قالو انه بين غار(ن)وناري
نغني على طرق تحبه مواويل=ولاكن يابن عامر حذاري حذاري
خولان بن عامر=
الا يابعد حيي ترى طير ابابيل=على الراس حامت لا تصير إنتحاري
بعد غيروا لبس الوزر بالبناطيل= وخلوا المجالس واللتهوا . بالا تاري
سعيد ابو ديه=
بعد موجز الأنبا تجيك التفاصيل=ونرضيك ياخولان لي صرت زاري
نبا نورد الظامي على شاطي النيل=ونبا نعشي الجوعان كبسة بخاري
خولان بن عامر=
انا ماعليه في الحكا والاقاويل=ولو زعل ابن عجلان يرضى مكاري
ليا كبرت العله وبان التحاليل=ترى صاحبك دكتور وانت استشاري
سعيد ابو ديه=
عمرنا الليالي ببتهال(ن) وتهليل=ولاخاب ظن اللي سجد واستخاري
ياراع الركاب وراع القح الحيل=لاتامن عليها مالسباع الضواري
خولان بن عامر=
تحّرص على اللي باقي في المخاويل=ترى حارس الخزنة على السرق ضاري
انا عارفك حليحل بالحيل حلحيل= مزايا شمالي والطبايع سحاري
سعيد ابوديه=
لو انك صبرت شوي جتك المراسيل=واناباح صبري بعد طول انتظاري
لقيت اربعين اعما وعشرة مهابيل=وكل(ن) على ليلاه غنا وساري
خولان بن عامر=
اظن العلوم مدوكرات وتمثيل=يبون المشاكل بين مصعب وضاري
يابو ديه الموضوع يحتاج تتطويل=وطوال العوم تسد عنها القصاري[/poem]]