المشاركة الأصلية كتبت بواسطة عبدالله ابن شايع القحطاني

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ياهجوس الشعر هاتي من البحر الغزير =حضّري جزل المعاني عسى في الامر خير
شاعر لا غاب ماغاب ذكره ومحسوب = ماتجاهل لا ولا يجهله كـــــــــــون الغرير
صفنا يوم الرخى من حضر سدّ اللزوم = قـــام بالواجب وحقــــه من البيضا كبير
وإن دعا داعي المواجيب والله ما نغاب = دايــــمٍ في الصف الاول على خير وغير
وقفة الشيبان تشهد لهم في كل شــان = بالـوفــــــــا والطيب ومقابل اليوم العسير
المراجل نحتميها سريعين الــولام = يسبق الشايب وحنـــــــّا على دربه نسير
قلتها ماهي بمدحــه ولا رد إعتبار= بالثقــــــه في حلّها قــــــــــادها سلك الحرير
ينشدون أهل الوفا من قريب ومن بعيد = في الجموع غيابنا علم ينشره السفير
يفْقدون اللي لهم قيمة وقدر ومقام = في مواقيف الشرف دوم والناقد بصير
والرسايل جاتني والسؤال من الجميع = واين ابن شايع وهو في الفلك نجمٍ شهير
تدري الساحه وتدري عبيده و قحطان= مايغاب من القوادي ولــو غاب النظير
وأعتقد من واجبي ماتأخر بالجواب = حقهــم تقــدير والــرد من راس الخبير
ربعي اللي في المواقف تجي مثل الأسود = درع جنبي عزوتي لارتفع صوت النذير
بالظفر والمدح تشهـر صواريم الحرار = تلطم العايل ليا ثـــار وتعــز القصير
لابةٍ تاريخها تنشره بيض السطور= ماضي وحاضر ويقرأ بها حــي الضمير
تنثني بالحلـم وإلها على العز إجتماع = طيب فال ولمّ شملٍ على وحدة مصير
بارَكوْ ختم السكيتي وشيخ وابن شيخ = قــام حظه والفخر لـلصغيّر والكبير
حالنا واحد ونعتز في الربــع القروم = بــــــــــارك الله سعيهم للمعالي والمسير
ماتغيبنا بلا عـــذر والمقصود خير = حكمة العقّال يكرم بها الوجه السفير
النوايا صافيه والسراير مــاتـذاع = والإشاره لـلنـــــــوادر ماهيب لكل طير
والنجاة للراعي الصدق والقلب النظيف = والعوارف من وفاها تشير وتستشير
والقصيد اللي على العز وعلوم الرجال = له طراةٍ عند منهو على سمعه جدير
تسمع الشعّار واللي نشد والحاضرين = شاعر وافخر بربعي وتفخر بي زهير[/poem]