الشوق ياشوقي عذاب ومشقــّـه
 

[poem=font="Simplified Arabic,5,white,normal,normal" bkcolor="transparent" bkimage="backgrounds/21.gif" border="outset,4,white" type=2 line=0 align=center use=sp num="0,black"]
الشوق ياشوقي عذاب ومشقـّه=وش فيك ماتفتح على الوصل طاقه

الشوق شق القلب والكبد طقــّه=والحال شاف الهم والمر ذاقه

ليتك على قلب المولّع تفقــّه=الشوق ساق القلب للفين ساقه

وليتك تعرف الحق تعطيه حقـّه=والمشكله معروف حق الرفاقه

العمر نقد(ن) فالمصاريف انقـّه=وحبك سرق نقد(ن) انقـّه وباقه

والعمر باب(ن) تدخله ماتدقـّه=واللي يدقه قاصدين الصداقه

تدري!! صحيبك اتركه بس وقـّه=نار الهوى اللي بان فيه احتراقه

وتدري!! صحيبك اتركه ثم لقــّه=ظهر الجفى اللي مايفسّر فراقه

وتدري!! صحيبك ياهوى القلب عقـّه=والله ماتقدر تعيق اشتياقه

حبك لقى فالقلب تسعين شقـّه=إمفرّغه بسمك ولا له علاقه[/poem]

ياسلام ياسلام عليك ياوسيع الخاطر



قافية رنانه وبدع جزل




تقبل تحياتي

صح السانك

[QUOTE=وسيع الخاطر]

[poem=font="Simplified Arabic,5,white,normal,normal" bkcolor="transparent" bkimage="backgrounds/21.gif" border="outset,4,white" type=2 line=0 align=center use=sp num="0,black"]

ليتك على قلب المولّع تفقــّه=الشوق ساق القلب للفين ساقه

وليتك تعرف الحق تعطيه حقـّه=والمشكله معروف حق الرفاقه

العمر نقد(ن) فالمصاريف انقـّه=وحبك سرق نقد(ن) انقـّه وباقه

والعمر باب(ن) تدخله ماتدقـّه=واللي يدقه قاصدين الصداقه[/poem]

لاهنت على المرور اللي عطر الصفحه كلها يبو مريّع جعلك اتحيا وتدوم

صح بدنك اخوي فارس الشواطي الله لايهينك

استاذي راية الشعر يكفيني انك اطلعت على ماكتبت ووجودك في هذه الصفحه اهم من مشاركتي

جعلني مبكيك يبو فواز وجعل الساحه ماتبكي شاعرها

وووووووسع الخاطر ماشاءالله عليك اثرك شاااااعر وصح لسانك مليارات وقصيده جزززله

الحمدلله كثروا الشعار عندنا في المنتدى

ياليتني شاااعر بس لو اكتب شعر ماهوب صاير شعري مكسور الا بيعرج وبقوه


لا تبخل علينا بقصايدك نفداك

اخووووووك ابن عااااصم

ابيات عذبه سلمت يمينك يا الغالي


صح لسانك ودام ابداعك


تحياتي وتقديري

ارحب ياوسيع الخاطر ارحب
 

[poem=font="Simplified Arabic,4,chocolate,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تدري!! صحيبك اتركه بس وقّه=نار الهوى اللي بان فيه احتراقه


وتدري!! صحيبك اتركه ثم لقّه=ظهر الجفى اللي مايفسّر فراقه


وتدري!! صحيبك ياهوى القلب عقّه=والله ماتقدر تعيق اشتياقه


حبك لقى فالقلب تسعين شقّه=إمفرّغه بسمك ولا له علاقه [/poem]

صح السانك صح السانك
ماشاءالله عليك مبدع مبدع ابيات جميله جدآ جدآ ومشاركه من البدايه قويه و تستحق الأشاده والأعجاب اتمنى ان نرى
مشاركاتك الجايه ..والجديده لأن اللي هذا قديمه انشاءالله ان جديده اروع واروع ...
الله يحيك تحية المطر واستمر معنا فأنت مطلب ضروري للشبكه وهي احق بك ..

اخوك
اللي يرحب بك ملايين
خالد