|
وعدد ما أبن هادي صبّح الضّد وشدّدها
[frame="9 80"]
السلام عليكم ورحمة الله وبركاته [/frame]اهداء لكافة الأعضاء والمشرفين والعذر كانها جات متأخره شوي أنا بخوّة الوافين لي طبع(ن) ولي منهاج أباري الجمايل بالجمايل ولا اجحدها يجيني صديقي غالي(ن) وأبلج اله احجاج وله عندنا جزل التراحيب أسنّدها ترى غالي الترحيب ينساق للهدّاج صديق(ن) على الزلات ماهو يعدّدها عدد ماوكر بالصدر همّ ولاج وعدد اشفوف النفس لاجيت أعدّدها وعدد مالزمن خلى العرب معطي ومحتاج وعدد ماعدلت الكيف بالهيل أقنّدها وعدد من تمشى بالخلا سايح(ن) دوّاج وعدد حجة(ن) جت للقضا يوم فنّدها وعدد مارقاب(ن) قبلنا قصّها الحجاج وعدد مسلمين الكون والا مساجدها وعدد مالمطر ركّب وله حنّة(ن) وارهاج وعدد ما أبن هادي صبّح الضّد وشدّدها وعدد ماردي الحظ سبّب لنا الازعاج عدود(ن) كثيره نعجز انحن نعدّدها لكم في مكان(ن) رحب وسيع افجاج البلّ تآتي لك بكار(ن) نقوّدها أبو قالط |
صح لسانك مدد يا بو قالط و بيض الله وجهك ...
قصيدة جزلة و رائعة بروعة صاحبها ... مشكووووور على الاهداء الرائع ... لا تحرمنا جديدك ... أخـــ ابن شطفان ــــوك |
ابن شطفان مرورك ياذيبان تشكر عليه وأبشر بعزك
وهذه الابيات قليل من حقكم يابني عمي والا قدركم عند الله ياغناتي |
ونعم اخوووووووووووووووووي الغالي
ابو قالط جعل العافية تقلط على صحتك من جميع المداخل صح لساااااااااااااااااااااانك وعلا شاااااااااااااااااانك وسلمت يالذيب |
صح السانك ولاهنت يا الذيب
|
مرحبا بك أخوي سلطان وجعل أيامك سنين ياغناتي
|
| الساعة الآن 04:43 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com