|
لا تهددني على قطع العلاقه ::جعلك فدى ذود ابوي وذود جدّي
[poem=font="Simplified Arabic,5,black,normal,normal" bkcolor="transparent" bkimage="backgrounds/15.gif" border="double,6,black" type=2 line=0 align=center use=ex num="0,black"]
[poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="double,6,black" type=2 line=0 align=center use=ex num="0,black"] يا فريد النوع من وين الرواقه = وانت واقف من ثلاث شهور ضدّي جيت لك مهدي من الاعماق باقه = ورحت منّك بايحٍ للناس سدّي كيف تجهلني وانا باسمك بطاقه = وكيف تنساني وانا ما هو بودّي ياحبيبي وين مفهوم الصداقه = وين قلبك يوم تعلن بالتحدّي الحماقه ما تجيب الا الحماقه = وانت بعد اللي تقوله جبت حدّي لا تهددني على قطع العلاقه = جعلك فدى ذود ابوي وذود جدّي ما على شوفتك يالصاحب شفاقه = كان تبغى الصد من ذاليوم صدّي ودام قلبي طاق شيٍ ما يطاقه = روح جعلك من مراحك ما تردّي ضيفك اللي ضاف صالون الحلاقه = وكل يوم وخدّته في يدين هندّي والاّ انا اسّرح عند ابوي وفي نياقه = وانزل بها في مرابيعه واشدّي وكل يومٍ مجتمع لي مع رفاقه = والربيع الزين والخلفات عندّي ويش ابي بك يا مدوّر للرشاقه = وانت شكلك من مقامك ماانت قدّي فرجعتي لك مثل صدام وعراقه = حتى لوّك خاتمٍ في وسط يدّي وكان قلبي يشتكي لي من فراقه = ماله الاّ دمعةٍ من فوق خدّي ويخسى .... ان كانه خرج بي عن نطاقه = ان بغى يسرع معي ولاّ يهدّي فيمكن اتعدّى الحزن واكسب سباقه = بس قدري ما على مثله تعدّي [/poem][/poem] |
صح لسانك رائعه رائعه يامكودر تقبل حضوري واعجابي |
صح لسانك يا فهد المكودر
بانتظار جديدك |
دكتور الشعر
السلام عليكم رائعة جديده وقد عودتنا دائماُ على كل جديد رائع صح لسانك |
صح لسااااااااااااااااااااانك
وعلا شااااااااااااااااااااااااانك وسلم بناااااااااااااااااااااانك لاهنت يالغالي |
اخوي الشاعر فهد المكودر صح لسانك وبيض الله وجهك كتبت فأبدعت تحياتي سعد الاحبابي |
اقتباس:
صح لسانك يافهد قصيده اكثر من رائعه من شاعر معروف عنه الجزاله والقصيد المميز |
صح لسانك
وبيض الله وجهكيا المكورد |
صح لسانك يا فهد المكودر وبيض الله وجهك وانا من المتابعين لك ولقصيدك الرائع ولك كل احترامي وتقديري شاعرر جزل بكل ما تحمله الكلمه من معاني وتقبل تحياتي ةتقديري اخوك \ الملاطي |
السلام عليكم ورحمة الله وبركاته
ارررررررحب يالمكودر قصيده جزله وابداع متجدد والله يعطيك العافيه ولا يستغرب منك الابداع |
| الساعة الآن 02:13 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com