شبكة قحطان - مجالس قحطان - منتديات قحطان - [ من نوادر الشاعرعبدالله الطلحي الهذلي ]

بسم الله الرحمن الرحيم

مما راق لي أخترت لكم هذه الأبيات أتمنى أن ترقى لذائقتكم ..

معـــــــــــوّض خير ياحيٍ تهقـــــــــــوى في الزمـان ومـال

سنينــــــــــك لو رقيـــــــــــــــت بعدلهـا يطرحـك مايلهـا

تعلّم وإعـــــــرف إن الدرب قدامك سهــــــــــل وجبـال

جبــــــــــــــال تطولهـا وجبـال بعيونـــــــــــــــــــك تخايلـهـا

ومعوّض خير ياحــــــــــيٍ وردت الماء بدون حبــــــــال

يطول بك الوقـــــــــــــــــــــوف وشربة المـاء ما تحصّلهـا

وقوفك عند راس البير مايسقيك لـو فنجـــــــــــــــــــــال

ولاينفعــــــــــــــــــــــــك شوف الجمـه اللـي منـت طايلهـا

ومعوّض خير ياحيٍ خدعــــــــــــك من الرجال أشكـال

تشوف أشكالها وتحطها أرفـــــــــــــــــــــــــع مـن منازلهـا

تعلّم من زمانك لا تصير مـن أجهـــــــــــــــــــــــل الجهـال

ترى في كل يـوم تجيـك عبــــــــــــــــــــــــــــــره لاتجاهلهـا

إذا ربي وهـب لك عقـــــــــــــــل تلقى في الرجال رجـال

تعرف اللـي يطلّـــــــــــــــــــــــع قيمتـــــــــــــك واللـي ينزلهـا

ترى من بعض ما يندي الجبين ويحــــــــــــــــــرج الرجال

ليا ســــــــــــــــــــــــاق الميانـه فـي نفــــــــــــــوسٍ ماتقبّلـهـا

ومهما شفت في صاحبك من نخـــــــــــــــــــــــــــوه وطيبة فال

ترى بعض السجايـا كثـرة الإلحــــــــــــــــــــــــــــــــــاح يقتلهـا

معاريف الرجال ديـــــــــــــــــــــــون وديون الرجـال ثقـــــال

ليا صرت متعافي ليش تغـــــــــــــــــــــــــــــــــــرق فـي جمايلهـا

رصيــــــــــــــــــــــدك في حياتك سمعتـــــــك مع طيبيـن الفـال

رجـــــــــال الطيب والمعــــــــــــــــــــــــروف بالمعـروف عاملهـا

ولاتبدي بجاهـــــــــــــــــــــــــــــــــــك فـي مقـامٍ ما يسـر الحـال

ولاتشفــــــــــــــــــــــــــــــــــــــع لنـاسٍ ما تنومـســــــك بفعايلـهـا

ليا جاتك تعـــــــــــــــــــــــذّرهـا مـدام العـذر لـه مدخـــــــــال

ووقت الجــــــــد قــــــــــــــــــــــــــول لهـا الصحيـح ولاتجاملهـا

وخذ منـي نصيحـه لاتصـــــــــــــــــــــــــــــــــدق كـل ماينقـال

يجـــــــــــــــــــــــــــــــــــــــــــــرك للنميمـه ليـن يطرحـك بحبايلـهـا

يجـــــــــي لك ناقـل النمّـات بهــــــــــــــــــــــــــروجٍ تغـث البـال

سوالف في قفـــــــــــــــــــــــــــــــاك وحظك أطيب يـوم تجهلهـا

يبـرر بالحميـــــــــــــه والصـــــــــــــــــــــــــــــــداقـه شينـة الأفعـال

يجمّـــــــــــــــــــــــــــــــــــــــــــــل صورتـه بعلومـه اللـي ماتجمّلـهـا

ولو كانت حميه فيك رد المخطيه فـي الحـــــــــــــــــــــــــــــــــــال

ولا كان إستمعها فـي قفـــــــــــــــاك وجــــــــــــــاك شايلهــــــــــا

ترى من جــــــــــــــــــــاب لك ودّى وهذي عـادة النقــــــــــال

يحـــــــــــــــــــــــــــــــــــاول يقتنص من فمك كلمـه لأجـل ينقلهـا

ومثل ماقال عندك راح عنك وعند غيرك قــــــــــــــــــــــــــــــــال

وزوّد عشــــــــــــــــــــــــــــــــــــــر فوق الكلمه اللـي كنـت قايلهـا

تجنّب مجلســــــــــــــه لاتجلس إلا مع كريـــــــــــــــــــــــــــم خصـال

تحمّــــــــــــــــــــــــــــــــــــــــــــــ ـل ميلتـه وإن ملـت ميلتـك يتحمّلهـا

ولا تصبر على الجـــــــــــــــــــــــــــــــــــــار الردي لوهي ثلاث ليـال

تضــــــــــــــــــــــــــــــــــــــــــــــــ ـــرك جيرتـه لو كـان بيبانـك تقفلـهـا

وبيــــــع الدار بأول ســــــــــــــــــــــــــــــــــــومةٍ تعرض علـى الـدلال

ورزقـــــــــــــــــــــك عنـد ربٍ كاتـب اللقمــــــــــــــــــــــــــه وكافلهـا

وبنتك لاتزوجها الــــــــــــــــــــــردي لو هـو كثيـــــــــــــــــــــر المـال

تربيهـا علـى الطـالات وتشـــــــــــــــــــــــــــــــــــــــــــــــ ــــوّه سلايلهـا

وكم من لاش يــــــــــــــــــــــــــــــــــرمي خيبة إبنه فوق راس الخال

لو إن الخــــــــــــــــــــــــــــــــــــال من روس الرجال ومـن دلايلهـا

ليا منك عرفـت تميّــــــــــــــــــــــــــــــــــــــــــز الطيّـب مـن البطـال

وفادتك التجـــــــــــــارب في الحيـــــــــــــــــــــــــــــاة وفـي مسايلهـا

وكشفت الفــــــــــــــــــــــــــــــــــــرق ما بين الصحيح وحيلة المحتـال

وتعلمت الفراســــــــــــــــــــــــــــــــــــــــــــ ـه في الوجيـه اللـي تقابلهـا

بعد هـذي ترى مالك غنى عن صحبـــــــــــــــــــــــــــــــــــة العقّـال

يدلونـك بـرايٍ ينقـض الدعــــــــــــــــــــــــــــــــــــــــــــــ ــوه ويفتلهـا

يقولون الرجال اللي سوالفهـم حِكـــــــــــــــــــــــــــــــــــــم وأمثـال

ليا من ضاعت الحيلـه يــدل القــــــــــــــــــــــــــــــــــــــــــوم عاقلهـا

نصيحة واحـــــــــــــــــــــــــــــــــدٍ جرّب وشاف من الزمان اهـوال

يقدّم لـك خلاصــــــــــــــــــــــــــــــــــــــــــة هجـرةٍ جـرّب هوايلها

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود