عن عالم امسٍ يختلف عالم اليـوم &&&
 

السلام عليكم ورحمة الله وبركاته ..

صباحكم / مسائكم ورد وياسمين ..

هذه قصيدتين من قصايد الشاعر عامر أبن نوطان آل جابر المري (( رحمه الله ))
أتمنى أن تحضى على أعجابكم ...



)) عــــــــالم اليـــــوم ))

عن كشف سر الناس ماني بملزوم
...................وشورك لمن لا يطلب الشور ضايع

عن عالم امسٍ يختلف عالم اليـوم
........................ متخالفيـنٍ بالشـكـل والطبـايع

ياما من العثرات والشـوم واللـوم
..........................الله يخآرجـنـا ببيـض الصـنـايـع

يارب من صلى لرجواك ويصـوم
.......................وروحه وداعه وانت راعي الودايع

يالله عسى ماني من العفو محـروم
.....................عسى ذنوبي ماتجـي لـي منايـع






((في امان الله يا البل ))

في امان الله يالبل عسى حظك يزيـن
.....................تعتنز روحي من الثقل فـوق كفوفهـا

هملوك اللـي بعدنـا وحنـا منتهيـن
.......................غصب ولا العرب ماينّسى معروفهـا

حزت منك يوم ذهّبت في روحي عوين
......................الجهد كمّـل وعينـي تدانـى شوفهـا

حي وقتٍ فات يالعرب جرعات الحنين
........................يوم اهلهـا دونهـا يفتقـون سيوفهـا


وسلآمتكم

رد: عن عالم امسٍ يختلف عالم اليـوم &&&
 

صح لسانك ولسانه أخوي مبارك هذا والله الشعر العذب

وفقت في اختيارك وفقك الله.

إيه والله يودعها بعد ماتعب ولاعاد فيه قوة يقوم بواجب جرعات الحنين

الله الله الأيام دوارة تجيب الكبير والصغير

عسى الله يحسن الخاتمة ويغفر له ويتوب عليه

رد: عن عالم امسٍ يختلف عالم اليـوم &&&
 

صح أبدنك أخوي سفر

وكل الشكر لك على مرورك الكريم ..

دمت بود وإحترام