شبكة قحطان - مجالس قحطان - منتديات قحطان - لمن هذا البيت ؟

اقتباس:

المشاركة الأصلية كتبت بواسطة محمد البيضاني (المشاركة 25064)

السلام عليكم ورحمة الله وبركاته
سبق وطـُرح سؤال عن بيت هل هو لراشد بن معدية او لشالح بن هلان ولكن هناك خمس قصائد على نفس الوزن والقافية بينها تشابه.

وقال: الباحث فايز البدراني.. ما نصه ..
" القصيدة التي نحن بصددها أختلف الرواة في نسبتها اختلافا كبيرا وتداخلت مع قصائد مماثلة ولم يجزم أحد من رواتها إلى من ينسبها وقد أورد المرحوم محمد الأحمد السديري لشالح بن هدلان من شيوخ قحطان في رثاء أبنه ذيب ومنها :"

[poem=font="simplified arabic,6,darkblue,bold,normal" bkcolor="transparent" bkimage="backgrounds/40.gif" border="double,4,gray" type=2 line=0 align=center use=ex num="0,black""]
يا ربعنا ياللي على الفطر الشيـب =عز الله إنه ضاع منكـم و وداعـه
رحتوا على الطوعات مثل العياسيب=وجبتوا وخليتـو لقلبـي بضاعـه
خليتـوا النـادر بـدار الأجانيـب=وضاقت بي الأفاق عقب اتساعـه
تكدرن لـي صافيـات المشاريـب=وبالعون شفت الذل عقب الشجاعه
ياذيب انا بوصيك لا تاكـل الذيـب=كم ليلة عشـاك عقـب المجاعـه
كم ليلة عشاك حـرش العراقيـب=وكم شيخ قوم كزتـه لـك ذراعـه
كفه بعدوانـه شنيـع المضاريـب=ويسقي عدوه بالوغى سم ساعـه
ويضحك ليا صكت عليه المغاليـب=ويلكد على جمع العـدو باندفاعـه
وبيته لجيرانه يشيد علـى الطيـب=وللضيف يبني في طويل الرفاعـه
جرحي عطيب ولا بقى لي مقاضيب=وافخت حبل الوصل عقب انقطاعه
كني بعد فقـده بحامـي اللواهيـب=وكني غريب الدار مالـي جماعـه
من عقب ذيب الخيل عرج مهاليب=ياهل الرمك ما عاد فيهن طماعـه
قالو تطيب وقلت : وشلون ابا طيب=وطلبت من عند الكريـم الشفاعـه[/poem]

ثم أورد قصيدة أخرى بنفس المناسبة منها :
[poem=font="simplified arabic,6,teal,bold,normal" bkcolor="transparent" bkimage="backgrounds/40.gif" border="double,4,gray" type=2 line=0 align=center use=ex num="0,black""]
ذيب عوى وانا على صوته اجيـب=ومن ونتي جضت ضواري سباعـه
عز الله اني جاهل ما اعلـم الغيـب=والغيب يعلـم بـه حفيـظ الوداعـه
يالله يـا رازق عكـف المخالـيـب=يا محصـي خلقـه ببحـره وقاعـه
تفرج لمن صابه جـروح معاطيـب=وقلبه من اللوعـات غـاد ولاعـه
إن ضاق صدري لذت فوق المصاليب=مانيب من يشمـت فعايـل ذراعـه
صار السبب مني على منقع الطيـب=ونجمي طمن بالقاع عقب ارتفاعـه
ياطول ما هجيتهـن مـع لواهيـب=ولاني بداري كسرها مـن ضلاعـه
وياطول ما نوختها تصـرخ النيـب=وزن البيـوت اللـي كبـار رباعـه
واضوي عليهم كنهم لـي معازيـب=إليا رمـى زيـن الوسايـد قناعـه
( أضوي عليهم واتخطـى الأطانيـب=واخـذ مهاويـة الجمـل باندفاعـه)
أبا انذر اللي من ربوعي يبا الطيـب=لا ياخذ إلا مـن بيـوت الشجاعـه
يجي ولدهـا مـذرب كنـه الذيـب=عز لبـوه وكـل مـا قـال طاعـه
وبنت الردى ياتي ولدها كما الهيـب=غبـن لبـوه وفاشلـه بالجمـاعـه
ياكبر زوله عنـد بيـت المعازيـب=متحـري متـى يـقـدم متـاعـه[/poem]

وهذه القصيدة رواها السديري عن الأمير عمر بن سلطان أبا العلاء
أبطال من الصحراء ص 145

وأورد الشيخ منديل الفهيد القصيدة التالية ونسبها إلى شليويح العطاوي وهي :

[poem=font="simplified arabic,6,black,bold,normal" bkcolor="transparent" bkimage="backgrounds/40.gif" border="double,4,gray" type=2 line=0 align=center use=ex num="0,black""]
الحمد لله مـا عشقـت الرعابيـب=مدري طبع أو مبعدتنـي قلاعـة
خاويت شبان علـى فطـر شيـب=كم ماردٍ جيتـه تعـاوى سباعـة
ياما لمسنـا قرصنـا بالمشاعيـب=ويا ما دفعناهن ورى الشمس ساعة
( كم ليلةٍ عقلتها تضرس النيـب )=وأنا أتوحى نبح كلـب الجماعـة
(رحت أتخطى كنهم لي معازيـب=اليا رمى عـذب الثنايـا قناعـة )
أهدي الحامي وأخطـر الأطانيـب=وأندس مهاوية الجمـل باندفاعـة[/poem]

ونقل هذه القصيدة كما هي الشيخ أبو عبد الرحمن بن عقيل في ديوان الشعر العامي بلغة أهل نجد على أنها لشليويح العطاوي كما أورد منديل أيضا قصيدة رابعة على نفس الوزن والقافية ونسبها إلى راشد بن معدية من قحطان يرثي بها ذيب بن عبود أحد شيوخ قحطان عندما أصيب في إحدى المعارك ، وهي تشابه إلى حد كبير القصيدة التي أوردها السديري من حيث القافية والمناسبة وأسم المرثي ، ولذلك فالتداخل بينهما كبير ، والقصيدة الرابعة هي :

[poem=font="simplified arabic,6,royalblue,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black""]
رحنا من الماء في هوى شمخ النيـب=وخلوا على العد المسمـى بضاعـة
( يا ذيب أنا أبا أوصيك لا تاكل الذيب=كم ليلة عشـاك عقـب المجاعـة )
( كم ليلةٍ عشاك حـرش العراقيـب=وكم شيخ قوم طوحت لك ذراعـه )
شف عايضٍ ومعيض هم لك معازيب=وأنـا بشيـرك بالعشـاء والشباعـة
وعـرار خيـال البكـار الحنازيـب=لا قـل هـوش مدرعيـن الجماعـة
وأولاد مسعـودٍ رمـاة معاطـيـب=يا ويل من يعطونه الوجـه ساعـة[/poem]

…….الخ وهي تسعة أبيات
كما أورد بن فهيد قصيدة خامسة نسبها إلى عثفر العماج من شيوخ قحطان ، وهي :

[poem=font="simplified arabic,6,green,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black""]
( لا ضاق صدري لذت فوق المصاليب = ولا نيب من يشمت فعايل ذراعة
لا حذفوا باكوارهن الاساليب = وعادهن منا صبي الوقاعة
يا طول ما حثيتهن مـع لواهيـب=ما نيب كسرهـا مـع ضلاعـه )
( اوصي اللي من ربوعي يبا الطيب=لا يا خذ إلا من بنـات الشجاعـة )
( ياتي ولدها مشعـلٍ كنـه الذيـب=عزٍ لبـوه وساعـده فالمطاعـه )
( وبنت الردي ياتي ولدها كما الهيب=غبنٍ لبـوه وفاضحـه بالجماعـة )
( ياكبر زوله عند خطو المعازيـب=وعجل لحيه يـوم ياكـل متاعـه )
إلى أمتلاء بطنه سرى له تعاجيـب=وان غاض بطنه شفت فيه الدناعـة[/poem]

أنظر :
من أدابنا الشعبية الطبعة الثانية 1/168
تاريخ نجد في عصور العامية ، 4/189
من أدابنا الشعبية 1/174
من آدابنا الشعبية 3/243

هذا ما أوردة المؤلفون السابقون ويتضح من خلاله الخلط الكبير الذي دخل على هذه القصيدة أو القصائد وهذا ناتج من خلط الرواة ومما يؤخذ على أولئك الباحثين وبالذات منديل الفهيد أنه لا يذكر المصدر الذي ينقل عنه أحيانا سواء شفهيا أو خطيا ولهذا فإنه يصعب على الباحث تقويم هذه الروايات .
أما ما وجد في إحدى الأوراق المخطوطة التي يرجع تاريخها إلى سنة 1310 هـ
فهو إثنا عشر بيتا منسوبة لأبن دغمان العجمي وهي :

[poem=font="simplified arabic,6,firebrick,bold,normal" bkcolor="transparent" bkimage="backgrounds/40.gif" border="double,4,gray" type=2 line=0 align=center use=ex num="0,black""]
(الـحـمـد لله مــا صـافـيــت الـرعـابـيـب=مـــدري بخت أو صايـبـتـنـي قــلاعــة )
( مصـاحـبـي ربـع عـلــى فـطــر شـيــب=كـــم مـنـهـل جـيـتـه تـعــاوى سـبـاعــه )
( كـــم لـيـلـة نوخـتـهـا تـسـهـك الـنـيــب )= "قدهي" توحى نبح كلب الجماعة
يـــا مـا هـويـنـا قـرصـنـا بالمـشـاعـيـب=ويـــا دفـعـنـاهـن ورى الـشـمــس ســاعــة
نضرب على الجعري وهيبة لاطانيب=( لا طار عن عذب السجايا قناعه )
قـمـنـا نـجــد مـــن الـبـكــار الشـخـانـيـب=وجـاف الـقـعـد مـنـا "صـبـي" الـوقـاعــة
( اضرب علـيـهـم كـنـهـم لـــي مـعـازيـب=وآخــــذ مـهـاويــة الـجـمــل بـإنـدفـاعــة
يــامــا حـديـنـاهـن مــــع أي المـحـانـيـب= "ماحن" نداري كسرها مع ضلاعه
كني تـلـيــب قـطـعـتـهـا الـشــواذيــب=وارخـصــت فـــي قـــل الـثـمـن بالمـبـاعـة
منـصـور أنــا أبا أوصـيـك بالمنـسـب الطـيـب=( لا تــا خــذ إلــى بـنـت قـــرم شـجـاعـه
بـنـت الفـهـد يـأتــي ولـدهــا كـمـا الـذيــب=وبـنـت الـردي يـأتــي ولـدهــا لـعـاعــة[/poem]

قال: مع أني لا أستطيع الجزم في نسبة هذه القصيدة ، ولا أملك القول الفصل في فك التداخل بينهما وبين القصائد الأخرى ،
إلا إنني أعتقد أنه ليس فيها بيت واحد للفارس شليويح العطاوي ، ومبررات هذا القول هي :

1 ـ أن منديل الفهيد الذي نسب القصيدة إلى شليويح لا يعتمد على مصدر قاطع .
2 ـ إنه لم ينشر منها إلا ستة أبيات ، بينما أورد صاحب المخطوطة الذي سبق منديل الفهيد بمائة سنة تقريبا ضعف ما أوررده منديل .
3 ـ إن لغة القصيدة تدل على إنها لعجمي أو قحطاني لورود ألفاظ لا تستخدمها قبيلة عتيبة مثل : قدهي ، في البيت الثالث ، وقوله لاطانيب ، أي الأطانيب في البيت الخامس ، وقوله : ماحن : أي ما نحن في البيت الثامن …الخ

4 ـ أن شجاعة شليويح العطاوي وشهرته جعلت بعض القصائد التي لا يعرف قائلها تنسب إليه ، وخاصة إذا كانت مما ينطبق عليه ، وهذا ما حصل لهذه القصيدة .
وأخيرا فإن في تعدد هذه الروايات دليلا واضحا على عدم دقة الرواية العامية وكثرة اختلاف الرواة ، وعدم اتفاقهم ، مما يحتم على الباحث المحقق أخذ الحيطة والحذر من الاعتماد على الروايات العامية ، وهذا ما كنت أنادي به دائما . ))
أما انا فأقول إنه من الصعب فك التشابة والتداخل وعلى فكرة :
جميع الابيات التي بين أقواس هي متداخلة بين الخمس قصائد
ولاكن الا ترون ان التوثيق يفيدنا كثير
مثلا القصيدة التي وردت في المخطوطة اللي تاريخها 1310هـ لا يوجد بين ابياتهها بيت واحد لشاحل بن هدلان
لماذا ؟؟
لأن ذيب بن شالح توفي في حكم الملك عبد العزيز بعد هذا التاريخ شفتوا فائدة التوثيق
كذلك لا يوجد منها شي على ما أعتقد لشليويح العطاوي لأن لهجة القصيدة تل عل ىان صحابها عجمي اوقحطاني

.. منقول ..