يا هاجر ٍ امك ترى قلبها ذاب .. !!
 

السلام عليكم ورحمة الله وبركاته

اعزائي الكرام .. تحية عطرة


يشرفني ان انثر بين ايديكم

قصيدة طلبتها مني (( .. ام .. ))
تشكي هجر ابنها العاق ..
وترجمت معاناتها هنا ..
اتمنى اني وفّقت بهالقصيده
والله يقدرني على نشرها
واتمنى ان يقراها ابنها العاق ..

:::::::::::::::::::::::::::


[poem=font="Arial,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ابدى بذكر المعتلي ربّ الأرباب =الواحد المعبود منشي السحابي

ومن بعد ذكره يا قلم خط بكتاب =نصيحة ٍ منّي لبعض الشبابي

نصيحة ٍ تنفع عريبين الأنساب =ارجي وراها من الآهي ثوابي

مضمونها أم ّ ٍ شكت ابنها الشاب =له مدّة ٍ يمكن سنه في الغيابي

أحس قلبي عقبها اليوم منصاب =ونظّمت قافي ابغي أبوح مابي

يا هاجر ٍ امــّك ترى قلبها ذاب =خاف الولي من قبل يوم الحسابي

باسباب هجرك اتلفت كل الأعصاب =وخيّم عليها الحزن والأكتئابي

عقبك تعاف الزاد وتعاف الأطياب =ولولا الحيا طرّة سببك الثيابي

طيفك يباريها وصوتك فلا غاب =تصيح باسمك عل ّ تلقى جوابي

تنشد عليك بعاد واصحاب واقراب =وصار الأمل بعيونها لك سرابي

امّك جعلها الله مــيزان وأسباب =إمّا الى جنـّه وإمّا عذابي

امّك عن النيران لك ستر وحجاب =الزم رجـلها لا تعز الجنابي

حذراك تزعلها ولا تكشّر الناب =ويجزيك ربّ الكون باقسى عقابي

حذراك تعصي امرها لأجل الأحباب =ويبلاك ربّي بالفتن والمصابي

ياما سهرت ترعاك والدّمع سكاب =وفي قلبها همّ وكثير اضطرابي

تطرق عشان دواك باب ٍ ورى باب =ما همّها لأجلك جميع الصعابي

تفرح إذا تفرح وإذا ضقت ترتاب =وأمرك على طول العمر لك يجابي

امّك تحمّـلتك شقى هم واتعاب =والــيــوم تـنـكر فضلها ما تهابي

اتعبتها مولود واتعبتها شاب =حطّمت قلب امّك عساك الذهابي

تعال لأمّك كان للخير رغـّاب =ويا سعد من يسلك طريق الصوابي

تم الكلام الصدق والكذب ينعاب =ونور الحقيقه ما يضرّه ضبابي

يا هاجر ٍ امك ترى قلبها ذاب =خاف الولي من قبل يوم الحسابي[/poem]


:::::::::::::::::::::::::::
وسلامتكم


اخوكم .. (( حسن بن علي الهاجري .. ))

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اتعبتها مولود واتعبتها شاب = حطمت قلب امك عساك الذهابي [/poem]

صح السانك ... صح السانك .. صح السانك
يا حسن الهاجري
صح السانك
وبيض الله الله وجهك على هذه الهديه الرائعه والثمينه جدآآآ
قصيده الحقيقه تحمل من المعاني الجزله والساميه الكثير والكثير ... انتقاء رائع للكلمه والمعنى ..
لله درك .. لله درك .. ياابوعلي
لاهنت ... كفيت .. ووفيت .. ..لعل الله ينفع بهذا الكلام شباب المسلمين والأهتمام بحقوق الوالدين
والحرص على طاعتهما ...الله يعطيك العافيه ياحسن على طرحك الموضع بهذا الأسلوب الرائع ..
وتقبل تحيات وتقدير اخوك
اخوك
خالد

صح لسااااااااااااااااااااااانك


وعلى شااااااااااااااااااانك


كثر الله خيرك


نسال الله الهداية لأبناء المسلمين

الله يردة للحق وبر والدته

مشكور وما قصرت ويعطيك العافيه

صح لسانك يا حسن وبيض الله وجهك معاني قويه

صح لسانك يا وجه جنب


والله يخارج من شباب ذا الجيل


اخوك عبدالله المهداني

الاخ الكريم .. خالد

مرحبا ومسهلا

ولاهنت على المرور

والحروف الجميله

والتي احرجتني والله العظيم بها

والله يجعلني عند حسن الظن

ولا تحرمني تواصلك فديت خشمك وتوجيهك