إلـــى من يهمه الأمـــــــر
 

[poem=font="simplified arabic,6,black,bold,normal" bkcolor="transparent" bkimage="backgrounds/15.gif" border="groove,5,gray" type=0 line=0 align=center use=ex num=",black""]
الله من همٍ تضايق به الجاش = همٍ له اشهور مكدر عليه
مرٍ يمسيني ومرات مغباش = يطعن طعون الخنجر الحضرميه
من وقتي اللي بيني وبينه اهواش = وقت عنيد كل صبح وعشيه
من شوكة ماناشها كل نقاش = ون طابت الكيه لحقها بكيه
الكيل طافح ولا انا ماني بلاش = ابوي قبل يموت وصى وصيه
من لا حمى في لابته جعله اكلاش= يثور في راسه ويصبح ضحيه
ياللي ورا الطاقه تغطيت بقماش = ودس راسك بين هذي وذيه
اللي بديت الهرج وعاظامك اهشاش = مالك مفرٍ والليالي مديه
من لا عرف قدرالرجاجيل ما عاش = اللي يدور للجفى والخطيه
يضحك بسن وقلبه اسود وغشاش = واثر البلا والسم في ناب حيه
اللي هرج له هرجة قالها لاش = يشذب عراقيب الرجال الوفيه
ولا حده الميقاف ياسرع مانحاش = وعند الصحن ياسرع مقرب مجيه
بهيمة مخلوقة بس تعتاش= يومي براس مثل راس المطيه
يستاهل الشباب من خشم رشاش = اللي يدور للعلوم الرديه
خذها على الحجان ماعاد منهاش=يوم انت لا نافع ونيتك نيه
لا تحسب إن المرجله ذبح الادباش= المرجله في الرجل دين وحميه
ودون ابن عمي جاك مردودنا كاش = يوم انت ما تسوى مواطي إحذيه
هذا الرفيق الوافي الشيخ حناش = ذخر لربعه دامت الشمس حيه
المرجله عشقه وللطيب حواش = وصيته تعلا واعتلا الجاذبيه
صليب راس وفي المواقيف شواش = عنده فراسة عرف لا جا قضيه
حكيم رآي وقلبه أبيض من الشاش = يبدا به إليا سيقت الشاذليه
والله يصبرني مثل صبر هباش = عساه في الفردوس يلقى نبيه
وصلوا عدد ما هل من مزن ورِشاش = على النبي المختار خير البريه[/poem]

رد: إلـــى من يهمه الأمـــــــر
 

صح لسانك يالذيب

رد: إلـــى من يهمه الأمـــــــر
 

الله الله صح لسانك يا شاعرنا معبره جدا وراقت لي

تقبل تحياتي وتقديري واعجابي واعتزازي بك

رد: إلـــى من يهمه الأمـــــــر
 

صح لسانك واعتلا شانك ..

وابيض وجه موقفك رائع .. وكلامك جزل ..

ابيات تعبر عن حميتك النادره..

تحياتي من القلب (يشهد الله إنها من القلب)..

رد: إلـــى من يهمه الأمـــــــر
 

صح لسانك ملاييييييين وقصيده وافيه وفي الصميم لك تحياتي

رد: إلـــى من يهمه الأمـــــــر
 

صح لسانك يامعيض بن دشن

قصيده رائعه يعطيك الف عافيه

اخوك// غلاب الحبابي