الشاعر/ سعدعبودبن صمدآن الجرابيع
 

​‏​‏​‏​‏​يا سلامي يا عبيده يا صبيان الزحام
يا رجالٍ ورثها الطيب من جدانها

يا سلامي يا عبيده متيهة الجهام
لابةٍ من ماضي الوقت عالٍ شانها

يا سلامي يا عبيده يا مروين الحسام
في نهار الهوش ما تنهزم فرسانها

ياعبيدة لابتي يا رفيعين المقام
لابةٍ تستوفي الدين من ديانها

ياعبيده يا سيوفً تقصون العظام
يا سيوف الهند شرً على عدوانها

كاسبين النعم والمدح في شرقً وشام
لا غرابة ذي عبيده لها مكانها

يا هل الناموس ربعي موردة الحيام
ترجع حقوق القبايل ليا حقانها

قسمنا وسط القبايل من علو السنام
لابةٍ من طيبها راجح ٍ ميزانها

وأن دعانا داعي العز والله ما يضام
يبشر بجمع يهول العداء وأذهانها

حن عبيده مشعل الحرب مروين السهام
نكسب الطالة وعند اللقاء صبيانها

حن هل الطالات وفعولنا تجلا الملام
حن رجال الحرب لا ثورت دخانها

حن هل العادات وسلوم وعلومٍ جسام
ورث طيب ٍعند الأجيال من شيبانها

والعدو لما ذكرنا يفز من المنام
والنفوس الشيطنة يختفي شيطانها

و الخوي في سلمنا له معزه و إحترام
وضيفنا يكرم من الحيل جل سمانها

و القبايل كلها حقها وافي وتام
حضرها والبدو و اللي على شطأنها

والنواميس أتجددّ لنا في كل عام
صحبة ٍ ما تافي إلا مع صحبانها.

رد: الشاعر/ سعدعبودبن صمدآن الجرابيع
 

صح الله لسان بن ضمدان ولا هنت يا حمد على نقل

رد: الشاعر/ سعدعبودبن صمدآن الجرابيع
 

رد: الشاعر/ سعدعبودبن صمدآن الجرابيع
 

أخوي حمد

صح الله لسانك ولسان الشاعر

إختيار موفق وفقك الله

كل عام وأنت بخير

بيض الله وجهك .